ក្រសួងការពារជាតិ អំពាវនាវឲ្យសមត្ថកិច្ចស្រាវជ្រាវ និងចាត់វិធានការលើគណនីហ្វេសប៊ុកមួយ
- 2019-05-22 01:26:40
- ចំនួនមតិ 0 | ចំនួនចែករំលែក 0
ក្រសួងការពារជាតិ អំពាវនាវឲ្យសមត្ថកិច្ចស្រាវជ្រាវ និងចាត់វិធានការលើគណនីហ្វេសប៊ុកមួយ
ចន្លោះមិនឃើញ
នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ បានអំពាវនាវដល់ ដល់ស្ថាប័នមានសមត្ថកិច្ចឲ្យស្រាវជ្រាវ និងចាត់វិធានការផ្លូវច្បាប់ចំពោះអ្នកប្រើប្រាស់ហ្វេសបុកឈ្មោះ Gro Angel ដែលបានយករូបសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ទៅដាក់ធ្វើរូប profile Facebook របស់ខ្លួន រួចសរសេររិះគន់រាជរដ្ឋាភិបាលកម្ពុជា ក្នុងចេតនាបង្កឱ្យមានការភ័ន្តច្រឡំដល់សាធារណជន។
***"នាថ្មីៗនេះ មានហ្វេសបុកមួយឈ្មោះ Gro Angel បានយករូប សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ទៅប្រើប្រាស់ក្នុង Facebook របស់ខ្លួន ហើយបានសរសេររិះគន់ រាជរដ្ឋាភិបាលកម្ពុជា ក្នុងចេតនាបង្កឱ្យមានការភ័ន្តច្រឡំដល់សាធារណជន។
អ្នកនាំពាក្យក្រសួងការពារជាតិ សូមបញ្ជាក់ជូនសាធារណជនឱ្យបានជ្រាបថា ខ្លឹមសារចោទប្រកាន់នានា ដែលបានបង្ហោះនៅលើហ្វេសបុក ឈ្មោះ Gro Angel នេះមិនមានការពាក់ព័ន្ធជាមួយនឹងសម្តេចពិជ័យសេនា ទៀ បាញ់ នោះទេ។
អ្នកនាំពាក្យក្រសួងការពារជាតិ សូមព្រមានដល់ជនដែលបង្កើតហ្វេសបុកមួយនេះ ឱ្យបញ្ឈប់ការប្រើប្រាស់រូប សម្តេចពិជ័យសេនាជាបន្ទាន់ ហើយអំពាវនាវដល់ស្ថាប័នមានសមត្ថកិច្ច ស្រាវជ្រាវចំពោះ អ្នកហ្វេសបុកឈ្មោះ Gro Angel នេះដើម្បីចាត់វិធានការតាមផ្លូវច្បាប់ផងដែរ"៕***