Toyota នឹងសង់រោងចក្ររថយន្តដំបូងនៅមីយ៉ាន់ម៉ា ក្រោយរដ្ឋាភិបាលធ្វើរឿងនេះ

2019-05-27 06:33:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Toyota Motor នឹងសាងសង់រោងចក្រដំឡើងរថយន្តដំបូងរបស់ខ្លួននៅក្នុងទឹកដីប្រទេសមីយ៉ាន់ម៉ា ដើម្បីចាប់យកទីផ្សាររថយន្តដែលកំពុងរីកលូតលាស់មួយនេះ។

រូបតំណាង

សកម្មភាពរបស់ Toyota កើតមានឡើងស្របពេលនឹងរដ្ឋាភិបាលមីយ៉ាន់ម៉ា បានរឹតបន្តឹងលើការនាំចូលរថយន្ត ដើម្បីលើកស្ទួយវិស័យផលិតយានយន្តក្នុងស្រុក និងក្នុងគោលបំណងឲ្យក្រុមហ៊ុនផ្គត់ផ្គង់គ្រឿងបន្លាស់យានយន្តបណ្ដាក់ទុនកាន់តែច្រើនក្នុងប្រទេសរបស់ខ្លួន។

រោងចក្ររបស់ Toyota នឹងមានទីតាំងស្ថិតនៅតំបន់សេដ្ឋកិច្ចពិសេស Thilawa ស្ថិតនៅជាយក្រុង Yangon និងអាចផលិតរថយន្តប្រភេទភីកអាប់បានប្រហែល ១០ ០០០ គ្រឿងក្នុងមួយឆ្នាំ។ ការបណ្ដាក់ទុនរបស់ក្រុមហ៊ុនជប៉ុននេះអាចនឹងមានខ្ទង់រាប់លានដុល្លារឯណោះ។

គួរដឹងថារថយន្តភីកអាប់នាំចូលប្រឈមនឹងការយកថ្លៃចុះឈ្មោះពិសេសរហូតដល់ ៤០% នៃតម្លៃពន្ធនាំចូល។ ចំណែករថយន្តផលិតក្នុងស្រុកមិនទាមទារឲ្យបង់កម្រៃពិសេសនេះឡើយ ហើយបានការបន្ធូរបន្ថយលើពន្ធផ្សេងៗទៀតផង។

រដ្ឋាភិបាលមីយ៉ាន់ម៉ាក៏បានសម្រេចរឹតបន្តឹងលើការនាំចូលរថយន្តចង្កូតស្ដាំផងដែរ ដែលការធ្វើដូចនេះបានធ្វើឲ្យចំនួនរថយន្តជប៉ុនមួយទឹក (ប្រើចង្កូតស្ដាំ) មានការថយចុះ។ នៅក្នុងឆ្នាំ ២០១៨ ចំនួនរថយន្តថ្មីដែលបានលក់ចេញនៅមីយ៉ាន់ម៉ាមានសរុប ១៧ ៥០០ គ្រឿង បានកើនឡើងលើសពីពីរដងឯណោះ ធៀបនឹងឆ្នាំមុន៕

ចុចអាន៖

ប្រភព៖ Asia.Nikkei ប្រែសម្រួល៖ សុខហេង