បាតុករ «សមុទ្រខ្មៅ» ឈានដល់ដំណាក់កាលទាមទារឱ្យមេដឹកនាំហុងកុង ចុះចេញពីតំណែងហើយ

2019-06-16 12:28:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាតុករអាវខ្មៅរាប់ម៉ឺននាក់បានដង្ហែក្បួនតាមដងផ្លូវនៅកណ្តាលក្រុងហុងកុង នាថ្ងៃទី១៦ ខែមិថុនា ឆ្នាំ២០១៩ ដើម្បីទាមទារឱ្យមេដឹកនាំនៃតំបន់រដ្ឋបាលពិសេសនេះ ចុះចេញពីតំណែង បន្ទាប់ពីសេចក្តីព្រាងច្បាប់ «បត្យាប័ន» ត្រូវបានព្យួរ។

រូបថត៖ AFP

ក្រុមអ្នកតវ៉ាបានកាន់ផ្កា និងកាន់បដា ដែលសរសេរថា «កុំបាញ់ យើងជាអ្នកហុងកុង» ពោលគឺពួកគេមានបំណងចង់បញ្ចៀសមិនឱ្យមានអំពើហិង្សាកើតឡើង ដូចករណីប៉ូលិសបាញ់គ្រាប់កំាភ្លើងជ័រ និងឧស្ម័នបង្ហូរទឹកភ្នែកទៅហ្វូងបាតុករ កាលពីថ្ងៃពុធកន្លងទៅឡើយ។

រូបថត៖ AFP

សូមជម្រាបថា កាលពីថ្ងៃសៅរ៍ម្សិលមិញ មេដឹកនាំហុងកុងដែលគាំទ្រដោយរដ្ឋាភិបាលក្រុងប៉េកាំង គឺលោកស្រី Carrie Lam បានប្រកាសពន្យារពេលអនុម័តសេចក្តីព្រាងច្បាប់បត្យាប័ន ដែលជាច្បាប់មួយអាចអនុញ្ញាតឱ្យបញ្ជូនមនុស្ស (អ្នកទោស) ទៅកាន់ចិនដីគោក ដើម្បីកាត់ទោស។ គម្រោងបង្កើតច្បាប់នេះ បានធ្វើឱ្យមានការរិះគន់ថា នឹងប៉ះពាល់ដល់ច្បាប់របស់ហុងកុង និងកិត្តិនាមលើឆាកអន្តរជាតិរបស់ក្រុងដែលជាមជ្ឈមណ្ឌលហិរញ្ញវត្ថុអាស៊ីមួយនេះ៕

ប្រភព៖ Channelnewsasia ប្រែសម្រួល៖ សំភី