ប្រធានាធិបតីចិន ទៅកូរ៉េខាងជើង ជាលើកដំបូងក្នុងរយៈពេល១៤ឆ្នាំ តើមេដឹកនាំទាំង២និយាយគ្នាផ្តោតលើអ្វីខ្លះ?

2019-06-21 09:04:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជិនពីង ប្រធានាធិបតីចិន បានធ្វើទស្សនកិច្ចនៅក្រុងព្យុងយ៉ាង ប្រទេសកូរ៉េខាងជើង នៅថ្ងៃទី២០-២១ ខែមិថុនា ឆ្នាំ២០១៩ ដែលនេះជាលើកដំបូងហើយក្នុងរយៈពេល ១៤ឆ្នាំ ដែលប្រធានាធិបតីចិន បានធ្វើទស្សនកិច្ចនៅប្រទេសឯកាមួយនេះ។

រូបថត៖ AP

ក្នុងអំឡុងទស្សនកិច្ចនេះ លោក ស៊ី ជិនពីង បានជួបពិភាក្សាជាមួយមេដឹកនាំកូរ៉េខាងជើង លោក គីម ជុងអ៊ុន ដោយមេដឹកនាំទាំង២ បានផ្លាស់ប្តូរទស្សនៈគ្នាលើបញ្ហានយោបាយនៅឧបទ្វីបកូរ៉េ ជាពិសេសបញ្ហានុយក្លេអ៊ែរ ព្រមទាំងបញ្ហាតំបន់ និងអន្តរជាតិធំៗផ្សេងទៀតផងដែរ។ នេះបើតាមការចុះផ្សាយរបស់ភ្នាក់ងារព័ត៌មានកូរ៉េខាងជើង KCNA។

លោក ស៊ី ជិនពីង និងលោក គីម ជុងអ៊ុន បានវាយតម្លៃខ្ពស់ពីទំនាក់ទំនងប្រទេសទាំង២ ដែលផ្តល់ផលប្រយោជន៍ឱ្យគ្នាទៅវិញទៅមក ក្នុងពេលដែលកំពុងមានការផ្លាស់ប្តូរដ៏ស្មុគស្មាញនៅក្នុងបរិបទពិភពលោកនាពេលបច្ចុប្បន្ននេះ។

បើតាមការផ្សព្វផ្សាយរបស់ CCTV លោក ស៊ី ជិនពីង បានបញ្ជាក់ថា រដ្ឋាភិបាលចិន ប្តេជ្ញាដើរតួនាទីដ៏សំខាន់ក្នុងការលុបបំបាត់នុយក្លេអ៊ែរនៅឧបទ្វីបកូរ៉េ។ «សហគមន៍អន្តរជាតិរំពឹងថា អាមេរិក និងកូរ៉េខាងជើង នឹងបន្តកិច្ចចរចា និងអាចសម្រេចលទ្ធផលបាន»៕

ប្រភព៖ Time ប្រែសម្រួល៖ សំភី