ទំនាក់ទំនងរវាងសម្តេច ហ៊ុន សែន និងលោក លី ស៊ានឡុង ជួបសុបិន្តអាក្រក់មួយភ្លែត

2019-06-24 01:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជម្លោះទស្សនៈលើបញ្ហាប្រវត្តិសាស្រ្តនាពេលថ្មីៗនេះ ត្រូវបានសម្តេចនាយករដ្ឋមន្រ្តី ហ៊ុន សែន និងលោក លី ស៊ានឡុង នាយករដ្ឋមន្រ្តីសិង្ហបុរី យល់ឃើញថា គឺជាការយល់សប្តិអាក្រក់មួយភ្លែត ក្នុងទំនាក់ទំនងប្រទេសទាំងពីរ ដែលពីដើមមកគឺមានទំនាក់ទំនងគ្នាល្អ ហើយទំនាក់ទំនងនេះ ក្រោយតែរយៈពេល១ថ្ងៃទេ ក្រោយសិង្ហបុរីទទួលបានឯករាជ្យ ពោលគឺកម្ពុជាបានទទួលស្គាល់ឯករាជ្យរបស់សិង្ហបុរី ដូច្នេះប្រទេសទាំង២គួរតែបន្តទំនាក់ទំនងល្អនឹងគ្នាបន្តទៀត។ នេះបើតាមការបញ្ជាក់របស់លោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នៅក្រោយជំនួបរវាងនាយករដ្ឋមន្រ្តីទាំង២ នៅក្រុងបាងកក ប្រទេសថៃ កាលពីថ្ងៃទី២៣ ខែមិថុនា ឆ្នាំ២០១៩។

រូបថត៖ ហ្វេសប៊ុកសម្តេច ហ៊ុន សែន

លោក ប្រាក់ សុខុន បន្ថែមថា ថ្នាក់ដឹកនាំទាំងពីរបានពិភាក្សាគ្នាថាបញ្ហាអតីតកាលគឺទទួលស្គាល់ថា មានទស្សនៈខុសគ្នា ម្នាក់យល់ឃើញផ្សេង ម្នាក់ទៀតយល់ឃើញផ្សេង ដូច្នេះហើយគ្មានអ្នកណាអាចទៅកែអតីតកាល ឬទស្សនៈអតីកាលបាននោះទេ ប៉ុន្តែអ្វីដែលសំខាន់ត្រូវទុកអតីតកាលជារបួសចាស់ ហើយមិនត្រូវទៅឆ្កឹះឱ្យឈឺឡើងវិញនោះទេ។

ជាមួយគ្នានេះ នាយករដ្ឋមន្រ្តីកម្ពុជា-សិង្ហបុរី បានឯកភាពក្នុងការបន្តចាប់ដៃគ្នាឆ្ពោះទៅមុខ ហើយភាគីទាំងពីរក៏បានបង្ហាញការរីកជាមួយគ្នា និងបន្តសហប្រតិបត្តិការរួមគ្នាទៅមុខទៀត៕

អត្ថបទទាក់ទង៖

-សម្តេច ហ៊ុន សែន ហៅការលើកឡើងរបស់នាយករដ្ឋមន្រ្តីសិង្ហបុរី ជាការប្រមាថកងទ័ពវៀតណាម និងប្រឆាំងការរស់រានរបស់ប្រជាជនខ្មែរ

-សម្តេច ហ៊ុន សែន ប្រដៅ និងក្រើនរំលឹកបន្ថែមដល់នាយករដ្ឋមន្រ្តីសិង្ហបុរី

អត្ថបទ៖ សំភី