លើកនេះច្បាស់ហ្មង iPhone 11 Max មានផ្លាស់ប្ដូរថ្មី ៣ ចំណុចប៉ុណ្ណោះ

2019-06-25 03:15:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រូបភាពច្រើនសន្លឹកចេញផ្សាយដោយប្រភពជាច្រើននាពេលកន្លងមកបានបង្ហាញឲ្យឃើញរូបរាងរបស់ iPhone ជំនាន់ថ្មីដែលនឹងចេញនៅខែកញ្ញាខាងមុខនេះ។ ម្ដងនេះក្រុមហ៊ុនផលិតសម្បកការបារ Olixar បានផ្ដល់រូបភាពថ្មីថែមទៀត បង្ហាញកាន់តែច្បាស់ពីចំណុចថ្មីៗនៃរូបរាងរបស់ iPhone 11 Max។

រូបភាពបានបង្ហាញអំពីកាមេរ៉ារាងបួនជ្រុងនៅផ្នែកខាងក្រោយ ដែលមានផ្ទុកកាមេរ៉ាចំនួន ៣ គ្រាប់។ តាមការរាយការណ៍ឲ្យដឹងថា Apple នឹងប្រើប្រាស់ផ្ទាំងកញ្ចក់ថ្មីគ្របដណ្ដប់ផ្នែកខាងក្រោយរបស់ iPhone 11 ដែលប្រើប្រាស់កញ្ចក់មួយផ្ទាំងប៉ុណ្ណោះ មានគ្របពីលើដង្គុំកាមេរ៉ាផងដែរ។

រូបខាងលើបានឲ្យឃើញថាប៊ូតុងសម្រាប់បិទ/បើកការរំញ័របានផ្លាស់ប្ដូរថ្មី ដោយរុញចុះលើ ចុះក្រោម ជំនួសឲ្យការរុញទៅឆ្វេង/ស្ដាំ ហើយវាក៏មានការរចនាថ្មីមានរូបរាងមូល មិនមែនជ្រុងដូចបច្ចុប្បន្ននោះទេ។

ផ្លាស់ប្ដូរមួយទៀតគឺនៅត្រង់ក្បាលឆក ដែលហាក់មានទំហំតូចជាងក្បាលឆកនៅលើ iPhone XS Max។ ចំណែករន្ធដោតនៅតែជាប្រភេទ Lightning មិនមែនជា USB Type-C ដូចការរំពឹងទុកកន្លងមកនោះទេ។

iPhone ស៊េរីឆ្នាំ ២០១៩ អាចមិនមានការផ្លាស់ប្ដូររូបរាងច្រើននោះទេ ប៉ុន្តែសម្រាប់ឆ្នាំ ២០២០ ខាងមុខ អ្នកវិភាគបានបង្ហាញក្ដីរំពឹងថា Apple នឹងធ្វើការផ្លាស់ប្ដូររូបរាង iPhone មួយទំហឹងតែម្ដង៕

ចុចអាន៖

ប្រភព៖ 9to5Mac ប្រែសម្រួល៖ សុខហេង