លោក ប្រាយុទ្ធ ប្រកាសបញ្ចប់អំណាចយោធានៅប្រទេសថៃ
- 2019-07-10 03:03:58
- ចំនួនមតិ 0 | ចំនួនចែករំលែក 0
លោក ប្រាយុទ្ធ ប្រកាសបញ្ចប់អំណាចយោធានៅប្រទេសថៃ
ចន្លោះមិនឃើញ
លោក ប្រាយុទ្ធ ចាន់អូចា នាយករដ្ឋមន្រ្តីថៃ កាលពីថ្ងៃទី៩ ខែកក្កដា ឆ្នាំ២០១៩ បានបញ្ជាឱ្យបញ្ចប់តួនាទីយោធានៅក្នុងប្រទេសនេះ ប៉ុន្តែរដ្ឋាភិបាលរបស់លោក នៅតែរក្សាអំណាចដដែលតាមរយៈកម្លាំងសន្តិសុខវិញម្តង។
ជាមួយនឹងការបញ្ចប់អំណាចយោធានេះដែរ គឺរាល់បណ្តឹងរបស់ជនស៊ីវិល នឹងត្រូវផ្ទេរពីកាត់ទោសនៅតុលាការយោធា ទៅតុលាការស៊ីវិលវិញម្តង។ រដ្ឋាភិបាលថៃ ក៏នឹងបញ្ចប់ការរឹតត្បិតលើប្រព័ន្ធផ្សព្វផ្សាយផងដែរ។
គួររំលឹកថា ចាប់តាំងពីលោក ប្រាយុទ្ធ បានចូលកាន់អំណាចដោយរដ្ឋប្រហារក្នុងឆ្នាំ២០១៤មក រដ្ឋាភិបាលយោធារបស់លោក បានដាក់ចេញបញ្ជាជាង ៥០០ ដែលស្ថិតក្រោមមាត្រា ៤៤នៃរដ្ឋធម្មនុញ្ញថៃ។ មាត្រានេះ ត្រូវបានគេចាត់ទុកថា ជាច្បាប់របស់ជនផ្តាច់ការ ដែលអនុញ្ញាតឱ្យយោធា ធ្វើអន្តរាគមន៍លើរាល់បញ្ហាធំៗនៅក្នុងប្រទេសថៃ ក្រោមលេសរៀបចំសណ្តាប់ធ្នាប់សង្គម៕