មេគយកម្ពុជា បង្ហាញឈ្មោះក្រុមហ៊ុនដែលនាំសំរាម៨៣កុងទឺន័រ មកខេត្តព្រះសីហនុ
- 2019-07-19 23:26:41
- ចំនួនមតិ 0 | ចំនួនចែករំលែក 0
មេគយកម្ពុជា បង្ហាញឈ្មោះក្រុមហ៊ុនដែលនាំសំរាម៨៣កុងទឺន័រ មកខេត្តព្រះសីហនុ
ចន្លោះមិនឃើញ
លោក គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគយ និងរដ្ឋាករ បានថ្លែងប្រាប់ [ខ្លីៗ] កាលពីល្ងាចថ្ងៃទី១៩ ខែកក្កដា ឆ្នាំ២០១៩ថា ក្រុមហ៊ុនដែលនាំកាកសំណល់ប្លាស្ទិកចំនួន ៨៣កុងទឺន័រ ចូលមកដាក់នៅកំពង់ផែខេត្តព្រះសីហនុ គឺ «ក្រុមហ៊ុន ជុង យៀនប្លាស្ទិក»។
លោកបានបញ្ជាក់ថា ប្រធានក្រុមហ៊ុន ជុង យៀនប្លាស្ទិក គឺជាជនជាតិខ្មែរ ប៉ុន្តែនៅក្នុងក្រុមហ៊ុននោះក៏មានជនជាតិចិនធ្វើការដែរ ហើយកំពុងតែធ្វើការស្រាវជ្រាវបន្ត។
លោក គុណ ញឹម បន្តថា នៅដើមសប្តាហ៍ក្រោយ អគ្គនាយកដ្ឋានគយ និងរដ្ឋាករ នឹងធ្វើការជាមួយក្រុមហ៊ុន ដើម្បីហៅមកសាកសួរផ្ទាល់មាត់ថែមទៀត ពាក់ព័ន្ធនឹងព័ត៌មានដែលក្រុមហ៊ុននាំចូលកាកសំណល់សំរាមបា្លស្ទិកចំនួន ៨៣កុងទឺន័រ។ «តាមលទ្ធផលនៃការស្រាវជ្រាវរបស់យើង គឺតម្រូវឲ្យក្រុមហ៊ុននាំទៅវិញ ហើយនឹងអាចពិន័យទៅលើក្រុមហ៊ុននោះ»។
ក្រុមហ៊ុននាំចូលកាកសំណល់បា្លស្ទិក គឺអាចប្រឈមវិន័យរដ្ឋបាល និងអាចប្រឈមការបិទក្រុមហ៊ុន។ នេះជាការបញ្ជាក់បន្ថែមរបស់លោកអគ្គនាយក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
