រថយន្តដឹកភ្ញៀវទេសចរចិន ជួបគ្រោះថ្នាក់ចរាចរណ៍នៅលើផ្លូវចុះភ្នំគូលែន
- 2019-07-22 01:27:50
- ចំនួនមតិ 0 | ចំនួនចែករំលែក 0
រថយន្តដឹកភ្ញៀវទេសចរចិន ជួបគ្រោះថ្នាក់ចរាចរណ៍នៅលើផ្លូវចុះភ្នំគូលែន
ចន្លោះមិនឃើញ
រណីគ្រោះថ្នាក់ចរាចណ៍មួយកើតឡើងនៅចំណុចផ្លូវចុះភ្នំគូលែន ផ្នែកខាងកើត កាលពីថ្ងៃទី២១ ខែកក្កដា ឆ្នាំ២០១៩ នៅភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប។ ហេតុការណ៍នេះ បង្កឡើងដោយរថយន្តម៉ាក SANG YONG ISTANA ពាក់ស្លាកលេខ សៀមរាប 2A-9016 ពណ៌ស បានធ្វើឲ្យភ្ញៀវទេសចរជនជាតិចិន រងរបួសស្រាល និងធ្ងន់ចំនួន ១៣នាក់។ នេះបើតាមការចុះផ្សាយរបស់អគ្គស្នងការដ្ឋាននគរបាលជាតិ។
តាមការបញ្ជាក់របស់លោកវរសេនីយ៍ឯក ស៊ុន អេង អធិការនគរបាលស្រុកស្វាយលើ បានឲ្យដឹងថា រថយន្តទេសចរ១៥កៅអីនេះ បានធ្វើដំណើរដឹកភ្ញៀវចេញពីព្រះអង្គធំ ឆ្ពោះទៅកាន់ប្រាសាទបេងមាលា ដោយបានចុះតាមផ្លូវផ្នែកខាងកើត ស្ថិតនៅភូមិតាពេញ ឃុំខ្នងភ្នំ ស្រុកស្វាយលើ។ នៅពេលដែលកំពុងចុះចំណោត ស្រាបតែរថយន្តមានបញ្ហាបណ្តាលឲ្យក្រឡាប់ បះជើងឡើងលើតែម្តង ធ្វើឲ្យភ្ញៀវទេចរណ៍ចិន ទាំង១៣នាក់ រងរបួលជាទម្ងន់ ក្នុងនោះរងរបួសធ្ងន់០៥នាក់ ស្រី២នាក់។
លោកក៏បានឲ្យដឹងទៀតថា អ្នករងរបួសទាំងអស់ ត្រូវបានមណ្ឌលសុខភាពស្រុកស្វាយលើ ដឹកជញ្ជូនតាមរថយន្តសង្រ្គោះ ដើមី្បជួយសង្រ្គោះអាយុជីវិត តែអកុសលនៅពេលបញ្ជូនអ្នករងគ្រោះមកដល់មន្ទីរពេទ្យ ក៏បានស្លាប់បាត់បង់ជីវិត២នាក់ (ស្រី១នាក់) ផងដែរ។
លោកអធិការក៏បានបញ្ជាក់ផងដែរថា កាលពីដើមខែកក្កដានេះ ក៏មានករណីគ្រោះថ្នាក់ចរាចរណ៍ នៅចំណុចខាងលើនេះដែរ ដោយរថយន្តទេសចរណ៍២៤កៅអីផងដែរ ដោយផ្លូវនេះបានកំពុងស្ថាបនា ដោយក្រុមហ៊ុន ទ្រី ភាព គ្រុប។ ម៉្យាងទៀតដោយអ្នកបើកបរនេះ មិនស្គាល់ពីស្ថានភាពផ្លូវ ព្រមទាំងអ្នកទើបតែនឹងចេះបើកបរ មិនស្ទាត់ជំនាញឡើយ។ តាមការបញ្ជាក់របស់ប្រជាពលរដ្ឋក្នុងភូមិតាពេញ ដែលបានមើលឃើញហេតុកាណ៍នេះ បានឲ្យដឹងថា នៅពេលរថយន្តបើកបរ ចុះពីភ្នំទៅក្រោមនោះ បានបើកបរយ៉ាងលឿន ដោយមិនមានការប្រុងប្រយ័ត្នឡើយ ដូចការបើកបរនៅផ្លូវរាបស្មើ។ តែដោយសារល្បឿនលឿនផងនោះ អ្នកបើកបរបានជាន់ហ្វ្រាំង ធ្វើឲ្យរថយន្តរេពេញផ្លូវបាត់ភាពម្ចាស់ការធ្វើឲ្យរថយន្តក្រឡាប់ផ្ងារជើងឡើងលើតែម្តង ហើយធ្វើឲ្យអ្នកជិះខាងក្នុងរថយន្តរងរបួសទាំងអស់ ត្រូវបានប្រជាពលរដ្ឋក្នុងភូមិ ទៅជួយសង្រ្គោះចេញពីរថយន្តផងដែរ។
ចំពោះអ្នកបើកបររថយន្ត ក៏បានគេចខ្លួនបាត់ពីកន្លែងកើតហេតុចំពោះករណីគ្រោះថ្នាក់ចរាចរណ៍នេះ កម្លាំងជំនាញបានចុះធ្វើការវាស់វែង និងស្រាវជ្រាវអំពីករណីនេះបន្ថែមទៀត។ ចំពោះរថយន្តត្រូវបានកម្លាំងជំនាញយកទៅរក្សាទុក នៅអធិការនគរបាលស្រុក ដើមី្បរងចាំឲ្យម្ចាស់រថយន្តចូលខ្លួនមកធ្វើការដោះស្រាយទៅតាមផ្លូវច្បាប់៕