UN បើកការស៊ើបអង្កេតរឿងកូរ៉េខាងជើង Hack យកលុយប្រទេសផ្សេងទៅផលិតនុយក្លេអ៊ែរ

2019-08-15 07:18:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមអ្នកជំនាញស៊ើបអង្កេតមួយរបស់អង្គការសហប្រជាជាតិ បានប្រកាសថាពួកគេកំពុងស៊ើបអង្កេតយ៉ាងហោចណាស់ ៣៥ ករណីក្នុង ១៧ ប្រទេសទាក់ទងនឹងកូរ៉េខាងជើងវាយប្រហារប្រទេសផ្សេងតាមអ៊ីនធឺណិតដើម្បីលួចយកប្រាក់ទៅផលិតអាវុធនុយក្លេអ៊ែរ។ ក្រុមស៊ើបអង្កេតដដែល ក៏បានអំពាវនាវឲ្យបិទការនាំចេញសាំង និងម៉ាស៊ូតទៅប្រទេសនេះដោយសារអំពើខុសច្បាប់ដែលត្រូវបានប្រព្រឹត្តិ។

កាលពីសប្ដាហ៍មុន Associated Press បានរាយការណ៍ថាកូរ៉េខាងជើងបានលួចយកថវិកាជាង ២ ពាន់លានដុល្លារពីស្ថាប័នហិរញ្ញវត្ថុដូចជាធនាគារ និងទីផ្សាររូបិយប័ណ្ណអេឡិចត្រូនិក ហើយការវាយប្រហារទាំងនេះកាន់តែខ្លាំងទៅៗ។

បើតាមរបាយការណ៍របស់ក្រុមអ្នកជំនាញខាងលើ ប្រទេសរងគ្រោះខ្លាំងជាងគេ គឺ កូរ៉េខាងត្បូង ដែលត្រូវបាន Hack ១០ ដង បន្ទាប់គឺ ឥណ្ឌា ចំនួន ៣ ដង ហើយ បង់ក្លាដេស និង សុីលី ២ ដងដូចគ្នា។

ប្រទេសចំនួន ១៣ ផ្សេងទៀតដែលរងការវាយប្រហារ ១ ដងមានដូចជា៖ កូស្តារីកា ហ្គែមប៊ី ហ្គាតេម៉ាឡា គុយវ៉ែត លីបេរីយ៉ា ម៉ាឡេស៊ី ម៉ាល់តា នីហ្សេរីយ៉ា ប៉ូឡូញ ស្លូវើនៀ អាហ្វ្រិកខាងត្បូង ទុយណេស៊ី និង វៀតណាម៕

ប្រភព៖ Time ប្រែសម្រួល៖ សុខ វេងឈាង