ចំណាយពេលរាប់ខែ ទីបំផុតរថយន្តប្រណិតរបស់កូន ព្រាប សុវត្ថិ បានដឹកពីអាមេរិកមកដល់ផ្ទះហើយ

2019-08-16 04:54:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពីចំណាយពេលរាប់ខែក្នុងការដឹកជញ្ជូនឆ្លងកាត់ប្រទេសជាច្រើន ទីបំផុតរថយន្តប្រណិតរបស់កូនប្រុសទី ២ លោក ព្រាប សុវត្ថិ គឺ សុវត្ថិ មុន្នីនាគ ដែលមានតម្លៃជាង ២០ម៉ឺនដុល្លារនោះ បានដឹកមកដល់ផ្ទះរបស់គេនៅស្រុកខ្មែរហើយ។

រថយន្តប្រណិតខាងលើ គឺម៉ាក DODGE challenger srt demon 2018 ដែលជារថយន្តទំនើបនិងពេញនិយមបំផុតសម្រាប់យុវវ័យ។ រថយន្តនេះ លោក ព្រាប សុវត្ថិ បានទិញធ្វើកាដូដ៏គួរឲ្យភ្ញាក់ផ្អើលទៅកូនប្រុសទី២របស់លោកក្នុងពេលទៅសម្ដែងនៅអាមេរិកកាលពីមុនបុណ្យចូលឆ្នាំខ្មែរ។ ចំពោះតម្លៃ គឺពិតជាមិនធម្មតាឡើយ ដល់ទៅ២០ម៉ឺនដុល្លារអាមេរិកឯណោះ ដែលនេះគឺជាតម្លៃចេញពីរោងចក្រតែម្ដង។

នៅគ្រានោះ មុន្នីនាគ ប្រាប់ថា រូបគេពិតជាភ្ញាក់ផ្អើលមែនទែនចំពោះអំណោយនេះ ដោយនឹកមិនដល់ឡើយថា លោកឪពុកលោក ទិញរថយន្តដ៏ទាន់សម័យនេះជាកាដូសម្រាប់លោកឡើយ។ ក្រោយពីទិញភ្លាម សុវត្ថិ មុន្នីនាគ មិនបានប្រើរថយន្តនេះនៅលើទឹកដីអាមេរិកនោះទេ ពោលគឺលោកបានឲ្យក្រុមហ៊ុនរៀបចំដឹកយកមកស្រុកខ្មែរភ្លាមៗតែម្ដង ដោយលោក និងក្រុមគ្រួសារបន្តនៅសម្ដែងនៅលើទឹកដីលោក ដូណាល់ ត្រាំ បន្តទៀត។

គិតមកដល់ពេលនេះ មានរយៈពេលប្រមាណជា ៥ខែ ទើបរថយន្តប្រណិតពេញនិយមសម្រាប់យុវវ័យបានដឹកមកដល់គោលដៅជាស្ថាពរ។ កូនប្រុសទី២ ប្រាប់ថា ពិតជាល្អណាស់ ដែលរថយន្តមួយនេះ បានចូលមកដល់ក្រុមគ្រួសាររបស់ខ្លួនចំថ្ងៃល្អថែមទៀត។ លោកថ្លែងថា៖ "សំណព្វចិត្តបានមកដល់ហើយបាទ! ចំថ្ងៃពិសេស សែនក្បាលទឹក”។

រូបភាព៖ ហ្វេសប៊ុក មុន្នីនាគ

សុវត្ថិ មុន្នីនាគ និងក្រុមគ្រួសារមាន បងប្អូនទាំងពីរ ព្រមទាំងឪពុកម្ដាយ ត្រូវបានក្រុមអ្នកឧបត្ថម្ភដែលមានលោក ហង្ស ឈា សុភា ដេវីត និង រួមជាមួយ Rising Star Entertainment ហៅទៅសម្ដែងនៅអាមេរិកដោយបានចេញដំណើរ កាលពីថ្ងៃទី ២១ មីនា ២០១៩។ ពួកគេបានត្រឡប់មកវិញនៅដើមខែ មិថុនា។ សម្រាកនៅប្រទេសកំណើតបានប្រមាណមួយខែ ពួកគេបានចេញដំណើរបន្តទៅប្រទេសអូស្ត្រាលីទៀត។

ក្រោយចំណាយប្រមាណ១ខែលើទឹកដីសត្វកង់ហ្គូរូ ឪពុក កូន ព្រាប សុវត្ថិ បានមកដល់ប្រទេសកម្ពុជាវិញនៅថ្ងៃទី ៦ សីហា។ ចុងក្រោយបំផុតរថយន្តប្រណិត ដែលជាសំណព្វចិត្តរបស់ មុន្នីនាគ ក៏មកដល់ដែរ ដោយចំថ្ងៃពិសេសថែមទៀតផង៕

អត្ថបទ៖ ទារិកា