អនុរដ្ឋមន្រ្តីការបរទេសជប៉ុន នឹងមកទស្សនកិច្ចនៅកម្ពុជា ពីថ្ងៃទី២១ ដល់ ២៣ សីហា
- 2019-08-19 09:03:30
- ចំនួនមតិ 0 | ចំនួនចែករំលែក 0
អនុរដ្ឋមន្រ្តីការបរទេសជប៉ុន នឹងមកទស្សនកិច្ចនៅកម្ពុជា ពីថ្ងៃទី២១ ដល់ ២៣ សីហា
ចន្លោះមិនឃើញ
អនុរដ្ឋមន្ត្រីក្រសួងការបរទេសជប៉ុន ទទួលបន្ទុកកិច្ចការសភា លោក ណូរីកាហ្សូ ស៊ូហ្សុយគី (Norikazu SUZUKI) នឹងដឹកនាំគណៈប្រតិភូមកបំពេញទស្សនកិច្ចនៅកម្ពុជា ចាប់ពីថ្ងៃទី២១ ដល់ថ្ងៃទី២៣ ខែសីហា ឆ្នាំ២០១៩ ខាងមុខនេះ ដើម្បីជួបជាមួយមន្ត្រីជាន់ខ្ពស់រាជរដ្ឋាភិបាលកម្ពុជា។
លោក កេត សោផាន់ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានថ្លែងបញ្ជាក់ប្រាប់ [ខ្លីៗ] នៅ រសៀលថ្ងៃទី១៩ ខែសីហានេះថា អនុរដ្ឋមន្ត្រីក្រសួងការបរទេសជប៉ុន នឹងមកកម្ពុជារយៈពេលបីថ្ងៃ គឺចាប់ពីថ្ងៃទី២១ ដល់ថ្ងៃទី២៣ ខែសីហា ឆ្នាំ២០១៩។ លោក ណូរីកាហ្សូ ស៊ូហ្សុយគី មានគម្រោងជួបជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងជួបជាមួយសម្តេចតេជោ ហ៊ុន សែន នាយករដ្ឋមន្ត្រី។
អ្នកនាំពាក្យក្រសួងការបរទេសបានបញ្ជាក់ថា៖ «គោលបំណងសំខាន់ការមកបំពេញទស្សនកិច្ចកម្ពុជា ជាផ្នែកមួយនៃការខិតខំពង្រឹងទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ»។
តាមកម្មវិធីដែលបានគ្រោងទុក លោក ណូរីកាហ្សូ ស៊ូហ្សុយគី នឹងជួបពិភាក្សាការងារជាមួយសម្តេចនាយករដ្ឋមន្ត្រី ហ៊ុន សែន នៅវិមានសន្តិភាព នារសៀលថ្ងៃទី២១ ខែសីហា ឆ្នាំ២០១៩៕