លោក ដូណាល់ ត្រាំ ផ្អាកទៅទស្សនកិច្ចដាណឺម៉ាក ក្រោយពីមិនព្រមលក់កោះហ្គ្រីនឡែនឲ្យអាមេរិក
- 2019-08-21 03:48:14
- ចំនួនមតិ 0 | ចំនួនចែករំលែក 0
លោក ដូណាល់ ត្រាំ ផ្អាកទៅទស្សនកិច្ចដាណឺម៉ាក ក្រោយពីមិនព្រមលក់កោះហ្គ្រីនឡែនឲ្យអាមេរិក
ចន្លោះមិនឃើញ
តិចជាងពីរសប្ដាហ៍មុនថ្ងៃចេញទៅធ្វើទស្សនកិច្ចទៅប្រទេសដាណឺម៉ាក ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសថាលោកបានផ្អាកដំណើរទៅក្រុង កូប៉េនហាហ្គេន ក្រោយពីនាយករដ្ឋមន្ត្រីដាណឺម៉ាកមិនព្រមលក់កោះ ហ្គ្រីនឡែន (Greenland) ឲ្យ សហរដ្ឋអាមេរិក។
ក្នុងសារចំនួនបង្ហោះចូលបណ្ដាញសង្គម Twitter នៅថ្ងៃទី ២១ ខែសីហា ឆ្នាំ២០១៩ លោក ត្រាំ បានសរសេរថា៖ «ដាណឺម៉ាក គឺជាប្រទេសដ៏ពិសេសមួយដែលមានប្រជាជនដ៏អស្ចារ្យ តែបើតាមការថ្លែងរបស់នាយករដ្ឋមន្ត្រី Mette Frederiksen ដែលបានបញ្ជាក់ថាលោកស្រីគ្មានការចាប់អារម្មណ៍ក្នុងការពិភាក្សាលក់កោះ ហ្គ្រីនឡែន ទេ ហេតុនេះហើយខ្ញុំបានសម្រេចផ្អាកកិច្ចប្រជុំរបស់យើង ដែលនឹងប្រព្រឹត្តនៅរយៈពេលពីរអាទិត្យខាងមុខនេះ លើកទៅពេលផ្សេងទៀត»។
លោកបានបន្តទៀតថា៖ «នាយករដ្ឋមន្ត្រី(ដាណឺម៉ាក) បានជួយសន្សំសំចៃចំណាយលុយសម្រាប់សហរដ្ឋអាមេរិក និងដាណឺម៉ាក ដោយលោកស្រីបានឆ្លើយត្រង់ៗ។ ខ្ញុំអរគុណលោកស្រីចំពោះរឿងនេះ ហើយខ្ញុំទន្ទឹងរងចាំការរៀបពេលវេលាឡើងវិញនាពេលអនាគត»។
សូមរំលឹកថាលោក ត្រាំ បានបញ្ជាក់ពីចំណាប់អារម្មណ៍របស់លោកក្នុងការទិញកោះនេះកាលពីថ្ងៃទី ១៨ ខែសីហានេះ ដោយបានប្រាប់អ្នកសារព័ត៌មានថា ហ្គ្រីនឡែន កំពុងធ្វើឲ្យប៉ះដល់សេដ្ឋកិច្ចដាណឺម៉ាក។ តែលោកស្រី Frederiksen ក៏បានឆ្លើយតបវិញថា៖ «ហ្គ្រីនឡែន មិនមែនសម្រាប់លក់ ហ្គ្រីនឡែន មិនមែនដាណឺម៉ាកទេ ហ្គ្រីនឡែន គឺហ្គ្រីនឡែន»៕
ចុចអានបន្ថែម៖