កម្ពុជា បញ្ជូនក្រុមសង្គមងងឹតចិន ១៥០នាក់ទៀត ទៅប្រទេសដើមវិញ

2019-08-28 07:39:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមសង្គមងងឹតចិន ១៥០នាក់ ពាក់ព័ន្ធករណីជំរិតទារប្រាក់តាមប្រព័ន្ធអ៊ីនធឺណិត VOIP ត្រូវបានប៉ូលិសអន្តោប្រវេសន៍កម្ពុជាបញ្ជូនទៅប្រទេសចិន នៅព្រឹកថ្ងៃទី ២៨ ខែសីហា ឆ្នាំ ២០១៩នេះ។

រូថត៖ Masayori Ishikawa

លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋានស៊ើបអង្កេត និងអនុវត្តនីតិវិធី បានឲ្យដឹងថា ជនជាតិចិនទាំង ១៥០នាក់ត្រូវបានចាប់ខ្លនកាលថ្ងៃទី ២០ ខែកក្កដា ឆ្នាំ២០១៩ ចំនួន ១៨នាក់ នៅខេត្តកំពង់ស្ពឺ និងកាលពីថ្ងៃទី១៥ ខែសីហា ឆ្នាំ២០១៩ បង្ក្រាបបានចំនួន ១៣២នាក់ នៅខេត្តព្រះសីហនុ ដែលសុទ្ធតែពាក់ព័ន្ធបទល្មើសឆបោក តាមប្រព័ន្ធទូរគមនាគមន៍ (VOIP)។

លោកបញ្ជាក់ថា ជនជាតិចិន ១៥០នាក់ (ស្រី១២នាក់) ត្រូវបានបញ្ជូនទៅប្រទេសចិនវិញ បានចាកចេញពីអាកាសយានដ្ឋានអន្តរជាតិភ្នំពេញ កាលពីម៉ោង ១០:២៥ នាទីព្រឹក ថ្ងៃទី ២៨ ខែសីហា ឆ្នាំ ២០១៩នេះ។ ការបញ្ជូននេះ គឺដោយប៉ូលិសចិនយកយន្តហោះពិសេសតាមជើងយន្តហោះ Charter flight ចំនួនពីរគ្រឿងលេខ (CZ3002 និង CZ3004)៕

ចុចអាន៖

អត្ថបទ៖ កុសល