Honda Dream ឬអាសង់ នៅតែមានតម្លៃថ្លៃគួរសមគិតត្រឹមថ្ងៃនេះ

2019-08-29 03:03:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាសង់ លឺគេនិយាយគ្រប់គ្នាឲ្យតែជិះកាត់មុខ ជាម៉ូតូដែលគេពេញនិយមហៅទៅលើ Honda Dream ហើយក៏ជាម៉ូតូដែលរក្សាប្រជាប្រិយភាព និងដក់ក្នុងចិត្តប្រជាជនខ្មែរជាយូរមកហើយ រហូតមកដល់ពេលនេះ Honda Dream បានចេញដល់ស៊េរីឆ្នាំ ២០១៩ និងកំពុងមានលក់នៅលើទីផ្សារ។

ស៊េរីឆ្នាំ ២០១៩ ចេញលក់ជិតផុតមួយឆ្នាំ តែម៉ូតូត្រូវចិត្តមនុស្សគ្រប់វ័យនេះនៅមានតម្លៃពុំសូវប្រែប្រួលច្រើនឡើយ។ នៅតាមប្រភពពីហាងលក់ម៉ូតូនៅម្ដុំគិរីរម្យ បានឲ្យដឹងថា Honda Dream ឆ្នាំ ២០១៩ នៅតែមានអ្នកទិញច្រើនគួរសមជាហេតុធ្វើឲ្យតម្លៃមិនងាយធ្លាក់ដូចស៊េរីផ្សេងៗ។

បច្ចុប្បន្ន Honda Dream ឬអាសង់ ដាក់លក់ថ្មីមានតម្លៃខ្ទង់ ២២០០ ទៅ ២៣៥០ ដុល្លារ និងមួយទឹកមានតម្លៃខ្ទង់ ២០០០ ទៅ ២១៥០ ដុល្លារ។

Honda Dream មានកម្លាំងម៉ាស៊ីន 125cc សេរ៊ីចុងក្រោយនេះ ត្រូវបាន Honda ផ្ដល់ឈ្មោះឲ្យថា Golden Marble TIME PROVES PRECIOUS ដែលរចនាឡើងដោយប្រើពណ៌មាសជាគោល បូករួមជាមួយតែមបែបថ្មម៉ាបលាយសរសៃមាសសរុបមាន ៣ ពណ៌គឺ ៣ រួមមានពណ៌មាស, ពណ៌ខ្មៅ និងពណ៌ក្រហម រួមនិងកុងទ័ររចនាបែបថ្មីដ៏ទាក់ទាញផងដែរ៕

ចុចអាន៖

អត្ថបទ៖ ម៉េងងី