លោក គួច ចំរើន បង្ហោះហ្វេសបុកភ្លាមៗ ខណៈខេត្តព្រះសីហនុ មានអ្នកជាប់និទ្ទេសA ចំនួន១៣នាក់
- 2019-09-09 06:36:33
- ចំនួនមតិ 0 | ចំនួនចែករំលែក 0
លោក គួច ចំរើន បង្ហោះហ្វេសបុកភ្លាមៗ ខណៈខេត្តព្រះសីហនុ មានអ្នកជាប់និទ្ទេសA ចំនួន១៣នាក់
ចន្លោះមិនឃើញ
បន្ទាប់ពីក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានអំពីលទ្ធផលប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៩ ក្នុងនោះ ខេត្តព្រះសីហនុ មានអ្នកជាប់និទ្ទេស A ដល់ ១៣នាក់ លោក គួច ចំរើន អភិបាលខេត្តព្រះសីហនុ បានបង្ហោះសារមួយនៅលើទំព័រហ្វេសប៊ុកដូចខាងក្រោមនេះ៖
ពូពិតជាមោទនភាពជាមួយនឹងកិច្ចខិតខំប្រឹងប្រែងរៀនសូត្ររបស់ក្មួយៗគ្រប់គ្នា រហូតទទួលបានជោគជ័យប្រឡងជាប់សញ្ញាបត្រមធ្យមសិក្សាទុតិយភូមិ ដែលប្រព្រឹត្តទៅកាលពីថ្ងៃទី១៩-២០ ខែសីហា ឆ្នាំ២០១៩ ជាពិសេសខេត្តព្រះសីហនុទទួលបាននិទ្ទេសA ចំនួន១៣នាក់។
ជាមួយគ្នានេះ ខ្ញុំក៏សូមថ្លែងអំណរគុណ ចំពោះមាតាបិតា លោកគ្រូ អ្នកគ្រូ ឯកឧត្ដម សាយ សំអាល់ ប្រធានក្រុមការងារចុះជួយខេត្តព្រះសីហនុ និងបណ្តាអ្នកពាក់ព័ន្ធទាំងអស់ ដែលបានរួមចំណែក ផ្គត់ផ្គង់ ជំរុញ លើកទឹកចិត្ត បង្ហាត់បង្រៀន ក្មួយៗទាំងអស់គ្នារហូតទទួលបានជោគជ័យនាថ្ងៃនេះ។
ពូសូមឱ្យក្មួយៗបន្តកិច្ចខំប្រឹងប្រែងសិក្សាតទៅទៀត ដើម្បីសម្រេចបាននូវក្តីស្រមៃរបស់ខ្លួននាពេលអនាគត និងបានមករួមចំណែកអភិវឌ្ឍន៍ខេត្តរបស់យើងឱ្យកាន់តែរីកចំរើន ក្រោមដំបូលសន្តិភាពដ៏រឹងមាំនេះ។
សូមជម្រាបថា បេក្ខជនប្រឡងជាប់មានចំនួន ៧៩ ០៥២នាក់ ត្រូវជា ៦៨,៦២ភាគរយ។ ក្នុងនោះ៖
និទ្ទេស A៖ ៤៤៣នាក់
និទ្ទេស B៖ ២៤៣០នាក់
និទ្ទេស C៖ ៥៨៤៧នាក់
និទ្ទេស D៖ ១៤ ១០០នាក់
និទ្ទេស E៖ ៥៦ ២៣២នាក់៕