ឆេះឃ្លាំងលក់រថយន្តមួយកន្លែងល្ងាចមិញ ខូចខាតអ្វីខ្លះ?

2019-09-16 03:54:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គីភ័យឆេះឃ្លាំងលក់រថយន្តមួយកន្លែងស្ថិតនៅតាមបណ្តោយផ្លូវហាណូយ ក្រុមទី០៨ ភូមិចុង ផ្លូវខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ។ នៅវេលាម៉ោង ០៥និង ៤០នាទីយប់ កាលថ្ងៃទី១៥ ខែកញ្ញា ឆ្នាំ២០១៩។

ឃ្លាំងលក់រថយន្តមានម្ចាស់ឈ្មោះ តុង ធូ ភេទប្រុស អាយុ ៨៣ឆ្នាំ មុខរបរ នៅផ្ទះ ប្រភេទសំណង់ ដែកប្រក់ស័ង្កសី ទំហំ ០៨ម៉ែត្រ គុណ ១០ម៉ែត្រ ដែលខូចខាតឆេះរថយន្តចំនួន ០១គ្រឿង គ្រឿងម៉ាស៊ីនត្រជាក់អស់មួយចំនួន និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡេីយ ។

រថយន្តការិ.អគ្គិភ័យ ចំនួន ១៥គ្រឿង ប្រេីប្រាស់ទឹកអស់ចំនួន ១៥ឡាន ស្មើនឹង ៦០ម៉ែត្រគូប រថយន្តជំនួយក្រសួងមហាផ្ទៃចំនួន ០១គ្រឿងមិនបានប្រើប្រាសទឹក កងរាជអាវុធហត្ថរាជធានីភ្នំពេញចំនួន ០៤គ្រឿង ប្រេីប្រាស់ទឹកអស់ចំនួន ០២ឡាន ស្មេីនឹង ០៨ម៉ែត្រគូប រថយន្តក្រុមហ៊ុន OCIC ទីក្រុងកោះពេជ្រចំនួន ០២គ្រឿង ប្រេីប្រាស់ទឹកអស់ចំនួន ០២ឡានស្មើនឹង១៦ម៉ែត្រគូបរថយន្ត។

ក្រុមហ៊ុន OCICទីក្រុងជ្រោយចង្វារចំនួន ០៤ឡាន ប្រេីប្រាស់ទឹកអស់ចំនួន ០៤ឡាន ស្មេីនឹង ៣៥ម៉ែត្រគូប រថយន្តក្រុមហ៊ុនស្រាបៀរកម្ពុជាចំនួន ០១ឡាន ប្រេីប្រាស់ទឹកអស់ចំនួន ០១ឡាន ស្មេីនឹង ០៦ម៉ែត្រគូប។ ប្រតិបត្តិការពន្លត់ចប់ ត្រូវបានបញ្ចប់នៅម៉ោង ០៦និង ៤០នាទីនា៕

ប្រភព៖ នាយកដ្ខានផ្សព្វផ្សាយអបរំ

អត្ថបទ៖ ម៉េងងី