រដ្ឋមន្ត្រីក្រសួងយុត្តិធម៌បណ្តេញក្រឡាបញ្ជីសាលាឧទ្ធរណ៍ម្នាក់ចេញពីក្របខណ្ឌ
- 2019-09-20 01:43:02
- ចំនួនមតិ 0 | ចំនួនចែករំលែក 0
រដ្ឋមន្ត្រីក្រសួងយុត្តិធម៌បណ្តេញក្រឡាបញ្ជីសាលាឧទ្ធរណ៍ម្នាក់ចេញពីក្របខណ្ឌ
ចន្លោះមិនឃើញ
រដ្ឋមន្ត្រីក្រសួងយុត្តិធម៌លោកអង្គ វង្សវឌ្ឍានា បានសម្រេចបណ្តេញលោកទេព ធីរិទ្ធ ក្រឡាបញ្ជីសាលាឧទ្ធរណ៍ភ្នំពេញ ចេញពីមុខតំណែងក្របខណ្ឌក្រសួងយុត្តិធម៌។ នេះបើយោងតាមប្រកាសស្តីពីការដាក់ពិន័យមន្ត្រីរាជការចុះថ្ងៃទី១៩ ខែកញ្ញា ឆ្នាំ២០១៩។
ការសម្រេចបណ្តេញចេញក្រឡាបញ្ជីរូបនេះ ចេញពីមុខតំណែងក្របខណ្ឌក្រសួងយុត្តិធម៌ គឺបន្ទាប់ពីបានប្រព្រឹត្តអំពើពុករលួយ ហើយត្រូវបានអង្គភាពប្រឆាំងអំពើពុករលួយចាប់ខ្លួន។
ក្រឡាបញ្ជី នៃសាលាឧទ្ធរណ៍ ដែលត្រូវនាំខ្លួននេះ ឈ្មោះ ទេព ធីរិទ្ធ អាយុ៤៦ឆ្នាំ ដែលត្រូវបានអង្គភាពប្រឆាំងអំពើពុករលួយ ឃាត់ខ្លួនពាក់ព័ន្ធករណីវីតិក្រម កាលពីថ្ងៃទី៥ ខែកក្កដា ឆ្នាំ២០១៩ ។
អង្គភាពប្រឆាំងអំពើពុករលួយបានបញ្ជាក់ថា ករណីវីតិក្រម ប្រព្រឹត្តដោយឈ្មោះ ទេពធីរិទ្ធ ក្រឡាបញ្ជីសាលាឧទ្ធរណ៍ ។ ក្រឡាបញ្ជីរូបនេះស្ថិតនៅក្របខ័ណ្ឌសាលាឧទ្ធរណ៍ មិនមែនអតីតក្រឡាបញ្ជីដូចការផ្សាយមួយចំនួននោះទេ។
អង្គភាពប្រឆាំងអំពើពុករលួយ បានបញ្ជូនខ្លួនលោក ទេព ធីរិទ្ធទៅសាលាដំបូងរាជធានីភ្នំពេញ តែត្រូវបានលោក ប៊ុន ពៅ ចៅក្រមស៊ើបសួរនៃសាលាដំបូងរាជធានីភ្នំពេញ សម្រេចដោះដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ពោលគឺមិនឃុំខ្លួននោះទេ៕