បើគិតតែពលរដ្ឋសិង្ហបុរីសុទ្ធ ដឹងថាមានចំនួនប៉ុន្មាននាក់ទេ?

2019-09-26 02:37:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចំនួនប្រជាជនសិង្ហបុរី (Population) បានឈានដល់ជាង ៥,៧លាននាក់ គិតត្រឹមខែមិថុនា ឆ្នាំ២០១៩ កើនឡើង ១,២%។ នេះបើតាមរបាយការណ៍ស្ថិតិចេញផ្សាយកាលពីថ្ងៃទី២៥ ខែកញ្ញា ឆ្នាំ២០១៩។

ក្នុងចំណោមជាង ៥,៧លាននាក់ខាងលើនេះ ក្នុងនោះ៖

-ពលរដ្ឋសិង្ហបុរី (Citizen)មានចំនួន ៣,៥លាននាក់ កើនឡើង ០,៨%

-ប្រជាជនរស់នៅអាចិន្ត្រៃយ៍ (Permanet Resident) មានចំនួន ៥៣ម៉ឺននាក់ (អត្រាដដែល)

-ប្រជាជនមិនអាចិន្រ្តៃយ៍ (Non-resident) មានចំនួន ១,៦៨លាននាក់ កើនឡើង ២%។

កាលពីឆ្នាំ២០១៨ រដ្ឋាភិបាលសិង្ហបុរី បានផ្តល់សញ្ជាតិដល់មនុស្សប្រមាណ ២២ ៥៥០នាក់ កើនឡើងពីចំនួន ២២ ០៧៦នាក់ ក្នុងឆ្នាំ២០១៧។ ប្រជាជនដែលទទួលបានសញ្ជាតិសិង្ហបុរីនេះ ភាគច្រើនមកពីប្រទេសអាស៊ីអាគ្នេយ៍ (៦១,៦%) ប្រទេសអាស៊ីផ្សេងៗ (៣២,៤%) និងប្រទេសក្រៅតំបន់អាស៊ី (៦%)។

របាយការណ៍ចេញផ្សាយដោយក្រុមយុទ្ធសាស្រ្តការិយាល័យនាយករដ្ឋមន្រ្តី ឱ្យដឹងថា ប្រទេសសិង្ហបុរី បានផ្តល់សញ្ជាតិដល់មនុស្សចន្លោះពី ១៥ ០០០នាក់ ទៅ ២៥ ០០០នាក់ ក្នុងមួយឆ្នាំ ដែលការផ្តល់សញ្ជាតិនេះ គឺសម្រាប់ជូនដល់បុគ្គលណាដែលប្តេជ្ញាចិត្តធ្វើឱ្យសិង្ហបុរី ក្លាយជាផ្ទះរបស់ពួកគេ។ «ជនអន្តោប្រវេសន៍ បានជួយសម្រួលដល់ផលប៉ះពាល់នៃកំណើនមនុស្សចាស់ និងអត្រាកំណើតទាប នៅក្នុងចំនួនពលរដ្ឋរបស់យើង»៕

ប្រភព៖ Channelnewsasia ប្រែសម្រួល៖ សំភី