ម្សិលមិញ មិនមែនមានតែកូរ៉េខាងជើងទេ ដែលបាញ់មីស៊ីលនោះ
- 2019-10-03 02:21:03
- ចំនួនមតិ 0 | ចំនួនចែករំលែក 0
ម្សិលមិញ មិនមែនមានតែកូរ៉េខាងជើងទេ ដែលបាញ់មីស៊ីលនោះ
ចន្លោះមិនឃើញ
កាលពីថ្ងៃទី២ ខែតុលា ឆ្នាំ២០១៩ម្សិលមិញនេះ កូរ៉េខាងជើង បានបាញ់សាកល្បងមីស៊ីលប្រភេទថ្មីចេញពីនាវាមុជទឹកដោយជោគជ័យ។ មីស៊ីលនេះ ត្រូវបានគេដាក់ឈ្មោះថា Pukkuksong-2 ត្រូវបានបាញ់ចេញពីតំបន់ Wonsan Bay។
បើតាមការចេញផ្សាយរបស់សារព័ត៌មានកូរ៉េខាងជើង KCNA អះអាងថា សមត្ថភាពមីស៊ីលនេះ នឹងជួយពង្រឹងបន្ថែមឱ្យសព្វាវុធកូរ៉េខាងជើងឈានដល់កម្រិតថ្មីមួយទៀត ពោលគឺមានសមត្ថភាពតបតពីការវាយប្រហារណាមួយមកលើប្រទេសខ្លួន។
យ៉ាងណាមិញ មិនមែនតែកូរ៉េខាងជើងទេ ពោលគឺសហរដ្ឋអាមេរិក ក៏បានធ្វើតេស្តមីស៊ីលឆ្លងទ្វីបផងដែរកាលពីម្សិលមិញ។ មីស៊ីលនេះមានឈ្មោះថា Minuteman III ត្រូវបានបាញ់ចេញពីមូលដ្ឋានទ័ពអាកាស Vandenberg ក្នុងរដ្ឋ California ដោយហោះបានចម្ងាយប្រមាណ ៦៧៥០គីឡូម៉ែត្រឆ្លងកាត់មហាសមុទ្រប៉ាស៊ីហ្វិក ទៅកាន់កោះ Marshall។
កងទ័ពអាកាសអាមេរិកអះអាងថា ការបាញ់សាកល្បងនេះ បង្ហាញអាវុធនុយក្លេអ៊ែររបស់អាមេរិក គឺរឹងមាំ បត់បែនតាមកាលៈទេសៈ និងត្រៀមឆ្លើយតបចំពោះការគំរាមកំហែងនានាមកលើប្រទេសខ្លួន និងសម្ព័ន្ធមិត្ត៕