គ្រូបង្វឹកថៃ លោក Akira Nishino៖ ថៃ នឹងក្លាយជាក្រុមកំពូលមួយនៅអាស៊ី

2019-10-17 02:06:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Akira Nishino គ្រូបង្វឹកជម្រើសជាតិថៃ បាននិយាយថា ក្រុមថៃ ដែលបានយកឈ្នះ អារ៉ាប់រួម ឡើងឈរលើគេក្នុងពូលនៅវគ្គជម្រុះ World Cup កន្លងទៅ គ្រាន់តែជាការចាប់ផ្តើមប៉ុណ្ណោះសម្រាប់ដំណើរឆ្ពោះទៅកាន់ក្រុមកំពូលមួយនៅអាស៊ី។

លោកបានសាទរដល់កូនក្រុមខ្លួនចំពោះការលេងដ៏គួរឱ្យភ្ញាក់ផ្អើលពេលប៉ះអារ៉ាប់រួម។ «គ្រប់កីឡាករទាំងអស់ បានជួយ និងលេងសម្រាប់អ្នកផ្សេងទៀត។ យើងធ្វើបានយ៉ាងល្អទល់នឹងអារ៉ាប់រួម ព្រោះយើងបានលេងជាមួយភាពរឹងមាំកាន់តែច្រើនជាងពេលចាប់ផ្តើម»។

គ្រូសញ្ជាតិជប៉ុនរូបនេះបន្តថា៖ «យើងបានបង្ហាញថា ការលេងជាក្រុមគឺមានសារៈសំខាន់ណាស់ ហើយកីឡាករមិនអាចលេងតែឯងបានទេ។ អាថ៌កំបាំងឆ្ពោះទៅរកភាពជោគជ័យ គឺការលេងយ៉ាងល្អក្នុងក្រុមទាំងមូល»។

យ៉ាងណាក៏ដោយ លោកមិនសំឡឹងមើលគូប្រកួតដែលនៅរយៈពេលយូរខាងមុខទេ ពោលគឺផ្តោតលើ១ប្រកួតបន្ទាប់តែប៉ុណ្ណោះ។ «ពីការប្រកួតទល់នឹងអារ៉ាប់រួម យើងបានរៀននូវអ្វីដែលថ្មី ដែលនឹងជួយយើងពេលប៉ះម៉ាឡេស៊ីនៅក្នុងការប្រកួតបន្ទាប់៕