សង្គ្រាមអាចផ្ទុះ! អាមេរិក ត្រៀមប្រើទ័ពរួចស្រេច វាយប្រហារទៅលើតួកគី

2019-10-22 06:27:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានត្រៀមរួចជាស្រេចនូវការប្រើប្រាស់កម្លាំងយោធាប្រឆាំងនឹងតួកគី ប្រសិនបើចាំបាច់។ នេះជាការបញ្ជាក់របស់លោក Mike Pompeo រដ្ឋមន្រ្តីការបរទេសអាមេរិក ដែលបានថ្លែងទៅកាន់ CNBC កាលពីថ្ងៃរសៀលថ្ងៃទី២១ ខែតុលា ឆ្នាំ២០១៩។

លោក Mike Pompeo និងប្រធានាធិបតីតួកគី លោក Tayyip Erdogan

ទោះជាយ៉ាងណាក៏ដោយ លោករដ្ឋមន្រ្តីពន្យល់ថា មុនឈានទៅរកការប្រើកម្លាំងទ័ព អាមេរិក នឹងប្រើប្រាស់មធ្យោបាយសេដ្ឋកិច្ច និងការទូតជាមុនសិន។ «**យើងត្រូវការសន្តិភាព ជាងសង្គ្រាម។ ប៉ុន្តែក្នុងករណីដែលត្រូវការសកម្មភាពយោធា អ្នកគួរតែដឹងហើយថា ប្រធានាធិបតីត្រាំ គឺត្រៀមពេញលក្ខណៈក្នុងការអនុវត្តសកម្មភាពនោះ**»។

ការព្រមានខាងលើនេះ បន្ទាប់ពីអាមេរិក សម្រេចដកទ័ពចេញពីភាគខាងជើងស៊ីរី បណ្តាលឱ្យមានបើកទ្វារចំហសម្រាប់តួកគី វាយប្រហារទៅលើក្រុមឃឺដ ដែលជាសម្ព័ន្ធមិត្តរបស់អាមេរិក កាលពី២សប្តាហ៍មុន។

យ៉ាងណាមិញ អ្វីដែលកាន់តែស្មុគស្មាញជាងនេះទៅទៀត អាមេរិក និងតួកគី គឺសុទ្ធតែជាសម្ព័ន្ធមិត្ត NATO។ គោលការណ៍គ្រឹះរបស់ NATO គឺនៅពេលដែលសមាជិកខ្លួនណាម្នាក់ រងការវាយប្រហារនោះ គឺស្មើនឹងការវាយប្រហារសមាជិកអង្គការទាំងមូល៕

ចុចអាន៖

ប្រភព៖ Businessinsider ប្រែសម្រួល៖ សំភី