កូនស្រីលោកដូណាល់ ត្រាំ ថាបើចង់រកស៊ីជាមួយអាមេរិក ប្រទេសកំពុងអភិវឌ្ឍន៍ ត្រូវតែធ្វើរឿងមួយនេះសិន

2019-10-24 08:07:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីប្រឹក្សាសេតវិមាន អ្នកស្រី Ivanka Trump បានថែ្លងថា ប្រទេសកំពុងអភិវឌ្ឍន៍ដែលចង់ធ្វើជំនួញ ជាមួយអាមេរិក ដាច់ខាតត្រូវបង្កើនអំណាចដល់ស្រ្តី ហើយផ្តល់ឱ្យពួកគេចូលរួមក្នុងកម្លាំងពលកម្ម ការអប់រំ និងការការពារស្របច្បាប់។ ការលើកឡើងនេះ ធ្វើឡើងក្នុងអំឡុងកិច្ចប្រជុំប្រចាំឆ្នាំ IMF/World Bank នៅក្រុងវ៉ាស៊ីងតោន កាលពីថ្ងៃសុក្រសប្តាហ៍មុន។

កូនស្រីប្រធានាធិបតីអាមេរិករូបនេះ បានគូសបញ្ជាក់ថា ការវិនិយោគនៅក្នុងស្រី្ត និងការភ្ជាប់ស្ត្រីកាន់តែច្រើនក្នុងកម្លាំងពលកម្ម មិនមែនតែជារឿងត្រឹមត្រូវប៉ុណ្ណោះទេ ប៉ុន្តែវាក៏ល្អប្រសើរផងដែរក្នុងអាជីវកម្ម។

គោលដៅរបស់អ្នកស្រី Ivanka Trump គឺជំរុញសហគ្រិនភាពជាស្រ្តី នៅតាមបណ្តាប្រទេសកំពុងអភិវឌ្ឍន៍ ជាមួយនឹងមូលនិធិ ២,៦ពាន់លានដុល្លារ។

អាមេរិក បានចូលរួមវិភាគទាន ៥០លានដុល្លារ ក្នុងគម្រោងមួយហៅថា We-Fi program ដើម្បីជួយដល់ស្រ្តីក្នុងប្រទេសដែលស្ត្រីត្រូវបានគេរើសអើង មិនផ្តល់ប្រាក់កម្ចី ក្នុងការចាប់ផ្តើមធ្វើអាជីវកម្ម។ តាមរយៈគម្រោងនេះ គេជឿថានឹងផ្តល់ការគាំទ្រដល់ស្រ្តីប្រមាណ ១០ម៉ឺននាក់ នៅទូទាំងពិភពលោក ក្នុងការបើកដំណើរការអាជីវកម្ម៕

ប្រភព៖ Washington Examiner ប្រែសម្រួល៖ សំភី