ទីបំផុត! នាយករដ្ឋមន្ត្រីលីបង់ យល់ព្រមចុះចេញពីតំណែង ក្រោយផ្ទុះបាតុកម្មទូទាំងប្រទេសជិត ២សប្ដាហ៍
- 2019-10-30 00:43:12
- ចំនួនមតិ 0 | ចំនួនចែករំលែក 0
ទីបំផុត! នាយករដ្ឋមន្ត្រីលីបង់ យល់ព្រមចុះចេញពីតំណែង ក្រោយផ្ទុះបាតុកម្មទូទាំងប្រទេសជិត ២សប្ដាហ៍
ចន្លោះមិនឃើញ
នាយករដ្ឋមន្ត្រីលីបង់លោក Saad Hariri បានប្រកាសជាផ្លូវការកាលពីថ្ងៃអង្គារកន្លងទៅ ពីការលាលែងពីតំណែងរបស់ខ្លួន ក្រោយពេលដែលបាតុករធ្វើការតវ៉ាទូទាំងប្រទេសអស់រយៈពេលជិតពីរសប្ដាហ៍។
ក្រោយកាន់តំណែងអស់រយៈពេលពីរឆ្នាំ លីបង់ក្រោមការដឹកនាំរបស់លោក Saad Hariri បានធ្លាក់ចូលទៅក្នុងវិបត្តិសេដ្ឋកិច្ចជាបន្ដបន្ទាប់, បំណុលវ័ណ្ឌក និងទំនិញឡើងថ្លៃជាគំហុកក្នុងរយៈពេលប៉ុន្មានខែចុងក្រោយនេះ។ ប្រជាពលរដ្ឋកាន់តែផ្ទុះកំហឹងខ្លាំង ហើយនាំគ្នាចេញតវ៉ាទូទាំងប្រទេស ក្រោយរដ្ឋាភិបាលចេញច្បាប់យកថ្លៃពន្ធលើការទូរសព្ទតាមកម្មវិធី Whasapp កាលពីថ្ងៃទី ១៧កន្លងទៅ។ ប្រទេសលីបង់ទាំងមូល ត្រូវបានជាប់គាំងចាប់តាំងពីថ្ងៃផ្ទុះការតវ៉ានោះមក។ ធនាគារនិងសាលារៀន ត្រូវបានបិទអស់រយៈពេល ១២ថ្ងៃ ខណៈដែលក្រុមអ្នកតវ៉ាបិទផ្លូវធំៗនៅទូទាំងប្រទេស។
ក្រោយការប្រកាសលាលែងតំណែងរបស់នាយករដ្ឋមន្ត្រីខាងលើ ប្រជាជននាំគ្នាសម្ដែងការសប្បាយចិត្តយ៉ាងខ្លាំង និងធ្វើការអបអរសាទរទូទាំងប្រទេស៕