ប្លែក! ប្រជាជនសិង្ហបុរីខ្លាចសត្វកន្លាតជាងខ្លាចការស្លាប់ទៅទៀត
- 2019-11-06 03:10:00
- ចំនួនមតិ 0 | ចំនួនចែករំលែក 0
ប្លែក! ប្រជាជនសិង្ហបុរីខ្លាចសត្វកន្លាតជាងខ្លាចការស្លាប់ទៅទៀត
ចន្លោះមិនឃើញ
តាមការពិតទៅ ប្រជាជននៃប្រទេសសិង្ហបុរីមានការភ័យខ្លាចប្លែកៗជាច្រើនដែលគេនឹកស្មានមិនដល់។ នៅក្នុងឱកាសបុណ្យ Halloween កន្លងទៅនេះ ក្រុមហ៊ុនស្ទង់ស្ថិតិ YouGov បានបញ្ចេញលទ្ធផលនៃការស្ទង់មតិនៃភាពភ័យខ្លាចរបស់ប្រជាជនប្រទេសសិង្ហបុរី។ តាមនោះដែរ ប្រជាជនប្រទេសមួយនេះមានការភ័យខ្លាចប្លែកៗច្រើននឹកស្មានមិនដល់។
ប្រហែលជាមកពីប្រទេសមួយនេះ គឺជាកោះមួយដែលព័ទ្ធជុំវិញដោយទឹក ដូចនេះវាជារឿងធម្មតាទេដែលប្រជាជននៅទីនេះខ្លាចការលង់ទឹកជាងគេជាមួយភាគរយនៃអ្នកខ្លាចលង់ទឹកគឺ៥៣%។ តួរលេខបន្ទាប់មកទៀតរួមមាន ភ្លើង៤៨% សត្វល្មូន៤៧% និងកន្លាត៤២%។
តួរលេខនេះបានធ្វើឲ្យគេភ្ញាក់ផ្អើលយ៉ាងខ្លាំងត្បិត អ្នកស្រុកនេះគឺខ្លាចសត្វកន្លាតជាងការស្លាប់ទៅទៀត ត្បិតភាគរយនៃអ្នកខ្លាចការស្លាប់គឺមានត្រឹមតែ៤០%ប៉ុណ្ណោះ ឯអ្នកខ្លាចខ្មោចវិញគឺ៣៩%។
បកស្រាយចំពោះលទ្ធផលខាងលើ អ្នកជំនាញបានឲ្យដឹងថា មូលហេតុដែលប្រជាជនទីនេះខ្លាចការស្លាប់តិចជាងខ្លាចកន្លាតនោះគឺមកពី ការស្លាប់គឺជៀសមិនផុតឡើយដូចនេះគ្មានអ្វីគួរឲ្យខ្លាច ដោយឡែកសត្វកន្លាតធ្វើឲ្យពួកគេភ័យខ្លាចខ្លាំង ជាពិសេសនៅពេលវាហោះម្ដងៗ៕
ចុចអាន៖ បុរសម្នាក់ ទ្រហោយំព្រោះក្រោយពេលធ្វើអ្នកកំដរ៧ដង ចុងក្រោយក៏បានរៀបការខ្លួនឯង