អតីតនាយករដ្ឋមន្រ្តីអង់គ្លេស សួរសំណួរនេះ អាចធ្វើឱ្យលោកត្រាំ ប្តូរពាក្យនិយាយឡើងវិញ
- 2019-11-06 07:21:45
- ចំនួនមតិ 0 | ចំនួនចែករំលែក 0
អតីតនាយករដ្ឋមន្រ្តីអង់គ្លេស សួរសំណួរនេះ អាចធ្វើឱ្យលោកត្រាំ ប្តូរពាក្យនិយាយឡើងវិញ
ចន្លោះមិនឃើញ
លោក Tony Blair ដែលកាន់តំណែងជានាយករដ្ឋមន្រ្តីអង់គ្លេស ពីឆ្នាំ១៩៩៧ ដល់ ២០០៧ បានដាក់សំណួរទៅកាន់ប្រធានាធិបតីអាមេរិក លោក ដូណាល់ ត្រាំ ថា «America First or America Alone?»។ លោកលើកឡើងដូច្នេះ ក្នុងកិច្ចសម្ភាសន៍មួយជាមួយ CNBC កាលពីថ្ងៃទី៥ ខែវិច្ឆិកា ឆ្នាំ២០១៩។
លោកថ្លែងថា អាមេរិក ត្រូវតែសំឡឹងមើលពីគោលជំហររបស់ខ្លួនក្នុងទំនាក់ទំនងជាមួយសម្ព័ន្ធមិត្តដូចជាអឺរ៉ុបជាដើម ដោយលោកថា មានការបារម្ភចំពោះអាមេរិកថាអាចនឹងដាក់ខ្លួនជាអាទិភាពទីមួយ ឬនៅតែដាច់ដោយឡែកពីគេ។
«មានការព្រួយបារម្ភគ្រប់ពេលវេលា ខ្ញុំគិតថាមិនត្រឹមតែនៅអឺរ៉ុបទេ ប៉ុន្តែប្រទេសក្រៅអឺរ៉ុបដទៃទៀតផងដែរ ថាតើអាមេរិកឈរនៅចំណុចមួយណា រវាង អាមេរិកទី១ (America First) និង អាមេរិកឯកា (America Alone)?»។
គួរដឹងថា លោក ដូណាល់ ត្រាំ តែងប្រើពាក្យ «America First» សំដៅទៅលើសេដ្ឋកិច្ច ពាណិជ្ជកម្ម និងភូមិសាស្រ្តនយោបាយជាដើម។ ក្នុងនោះអ្វីដែលធ្វើឱ្យមានការថ្នាំងថ្នាក់ខ្លាំងពីប្រទេសនានានោះ គឺពាណិជ្ជកម្ម ដែលរដ្ឋបាលលោក បានដំឡើងពន្ធនាំចូល ក្នុងគោលបំណងឱ្យក្រុមហ៊ុនអាមេរិក មកបង្កើតរោងចក្រក្នុងស្រុកវិញ ដើម្បីបង្កើតការងារដល់ពលរដ្ឋអាមេរិក៕