អនុប្រធានសហព័ន្ធល្បុក្កតោ ការចេញទៅហាត់មុននៅហ្វីលីពីនផ្ដល់ប្រយោជន៍ច្រើនដល់កីឡាករ

2019-11-14 07:21:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អនុប្រធានសហព័ន្ធកីឡាល្បុក្កតោកម្ពុជា ថាការចេញទៅហ្វឹកហាត់របស់ក្រុមអត្តពលិកខ្លួនមុនស៊ីហ្គេម លើកទី៣០ ចាប់ផ្ដើមនេះគឺជាការល្អ និងមានប្រយោជន៍ច្រើន។

ទិដ្ឋភាពពេលនៅកម្ពុជា

ឯកឧត្ដម វ៉ាត់ ចំរើន អនុប្រធានសហព័ន្ធកីឡាខាងលើនេះបានឲ្យដឹងថា ដោយមានការសហការគ្នាល្អ និងយោគយល់គ្នា ទើបខាងម្ចាស់ផ្ទះហ្វីលីពីនជួយក្រុមអត្តពលិកកម្ពុជាឲ្យបានហ្វឹកហាត់នៅទីនោះរហូតដល់ពេលប្រកួតស៊ីហ្គេមតែម្ដង។

ការចេញទៅហ្វឹកហាត់នេះ វាមានសារសំខាន់ខ្លាំងណាស់ និងជាការផ្ដល់ឱកាសល្អមួយកម្រិតទៀតដល់កីឡាករ កីឡាការិនីកម្ពុជាដែលត្រូវប្រកួតពេលស៊ីហ្គេម ចុងខែវិច្ឆិកា ២០១៩នេះ។ ព្រោះបានទៅបន្សាំងបរិយាកាសទីនោះ បន្សាំងម្ហូប បន្សាំងការរស់នៅ និងភាសាខ្លះៗផងដែរ។ ចំណុចល្អទាំងអស់នេះហើយ ដែលជាការចំណេញក្នុងការទៅឯហ្វីលីពីនមុន។

ក្រុមល្បុក្កតោ ពេលចូលជួបស្ដេចប្រដាល់ផាក់គីអាវ

ឯកឧត្ដម ក៏សូមឲ្យកីឡាករ កីឡាការិនីទាំងអស់ខំប្រឹងប្រែងហ្វឹកហាត់ និងថែរក្សាសុខភាពទាំងផ្លូវកាយ ផ្លូវចិត្តឲ្យបានល្អ ដើម្បីត្រៀមខ្លួនប្រកួតរកជ័យជម្នះជូនប្រទេសជាតិ នាស៊ីហ្គេម ២០១៩នេះ។

បញ្ជាក់ដែរថា ក្រុមកីឡាករ កីឡាការិនីល្បុក្កតោកម្ពុជាចំនួន១៤នាក់ បានចាកចេញពីកម្ពុជាទៅហ្វីលីពីន តាំងពីថ្ងៃសៅរ៍ ទី៩ វិច្ឆិកា ២០១៩ មកម្ល៉េះ។ ការហ្វឹកហាត់របស់ក្រុមកីឡាមួយនេះនឹងធ្វើរហូតដល់ថ្ងៃប្រកួតស៊ីហ្គេមតែម្ដងទើបវិលត្រឡប់មកកម្ពុជាវិញ៕

អត្ថបទ៖ នួន ស៊ីណា