រដ្ឋាភិបាលជប៉ុន​បាន​យល់ព្រមផ្តល់ជំនួយដល់អង្គការ Nature Center Risen នូវថវិកាចំនួន ១៩១,៧៤៤ ដុល្លារអាមេរិក សម្រាប់ “គម្រោងសម្រេចឲ្យបាននូវបរិស្ថានរស់នៅប្រកបដោយចីរភាព តាមរយៈការអប់រំបរិស្ថានតាមបែបអនុវត្ត ជាដើមនៅវិទ្យាស្ថានគរុកោសល្យ (ឆ្នាំទី៣)” ។

កិច្ចសន្យាផ្តល់ជំនួយ បានត្រូវចុះហត្ថលេខាដោយ លោក មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា និង លោកស្រី អ៊ីវ៉ាម៉ា មីយ៉ូកុ, នាយិកាអង្គការ Nature Center Risen។

ក្នុង​គម្រោង​នេះ​ដែរ អង្គការ Nature Center Risen នឹង​បង្កើត​ប្រព័ន្ធ​បណ្ដុះ​បណ្ដាល​អំពី​បរិស្ថាន​អប់រំ​ជា​បន្ត​បន្ទាប់ ចាប់​ពី​ថ្នាក់​មត្តេយ្យ​សិក្សា​ដល់​អនុវិទ្យាល័យ ក្នុង​ប្រទេស​កម្ពុជា តាម​រយះ​ការ​កែរ​សម្រួល​សៀវភៅ​ណែ​នាំ​សម្រាប់​គ្រូ បោះពុម្ព​សៀវភៅ​អប់រំ​បរិស្ថាន និង​ផ្ដល់​ការ​គាទ្រ​ដល់​មជ្ឈមណ្ឌល​គរុកោសល្យ​មត្តេយ្យ៕