ជម្រុះ World Cup៖ កម្ពុជា ចាញ់ ហុងកុង និងត្រូវអស់កីឡាករសំខាន់១រូបទៀត
- 2019-11-19 14:41:54
- ចំនួនមតិ 0 | ចំនួនចែករំលែក 0
ជម្រុះ World Cup៖ កម្ពុជា ចាញ់ ហុងកុង និងត្រូវអស់កីឡាករសំខាន់១រូបទៀត
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមម្ចាស់ផ្ទះហុងកុង ២-០ ក្នុងវគ្គជម្រុះ FIFA World Cup ឆ្នាំ២០២២ តំបន់អាស៊ី ជុំទី២ ពូល C នារាត្រីថ្ងៃទី១៩ ខែវិច្ឆិកានេះ។ មិនត្រឹមតែប៉ុណ្ណោះទេ កម្ពុជា ក៏ត្រូវបាត់បង់កីឡាករសំខាន់មួយរូបផងដែរ គឺខ្សែការពារសឿយ វិសាល ដោយសារកាតក្រហម (កាតលឿង ២ដង)។
២គ្រាប់របស់ហុងកុង រកបានដោយ James Stephen Gee Ha នាទី ២១ និង Roberto Junior នាទី ៨៣។
លទ្ធផលនេះ ធ្វើឲ្យក្រុមដែលដឹកនាំដោយគ្រូបង្វឹកវ័យក្មេងសញ្ជាតិអាហ្សង់ទីន Felix Dalmas នៅតែមិនស្គាល់ពាក្យថា "ឈ្នះ" ដដែល ពោលគឺ ៥ប្រកួត រកបានតែ ១ពិន្ទុប៉ុណ្ណោះ ដោយចាញ់ ៤ ស្មើ១ របូតគ្រាប់បាល់ដល់ទៅ ២២គ្រាប់ និងស៊ុតគេវិញ បានតែ ១គ្រាប់គត់ ឈរបាតតារាងក្នុងពូល។ ចំណែកហុងកុង ឈរលេខ៤ ដដែល ប៉ុន្តែកើនដល់ ៤ពិន្ទុ ដោយឈ្នះ១ ស្មើ២ និងចាញ់ ២។