កប៉ាល់ដឹកសត្វចៀមជាង ១ម៉ឺនក្បាល ក្រឡាប់នៅសមុទ្រខ្មៅ
- 2019-11-25 03:28:35
- ចំនួនមតិ 0 | ចំនួនចែករំលែក 0
កប៉ាល់ដឹកសត្វចៀមជាង ១ម៉ឺនក្បាល ក្រឡាប់នៅសមុទ្រខ្មៅ
ចន្លោះមិនឃើញ
កប៉ាល់មួយគ្រឿងដែលដឹកសត្វចៀមប្រមាណ ១៤ ៦០០ក្បាល បានក្រឡាប់នៅសមុទ្រខ្មៅនៃប្រទេសរ៉ូម៉ានី កាលពីថ្ងៃទី២៤ ខែវិច្ឆិកា ឆ្នាំ២០១៩។
កប៉ាល់នេះ បានក្រឡាប់ភ្លាមៗ ក្រោយចាកចេញពីកំពង់ផែ Midia ប្រទេសរ៉ូម៉ានី សំដៅទៅប្រទេសអារ៉ាប៊ីសាអ៊ូឌីត។
នាវិកស៊ីរី២០នាក់ និងលីបង់ ១នាក់ ត្រូវបានសង្គ្រោះ រួមទាំងសត្វចៀម ៣២ក្បាលផងដែរ ក្នុងនោះ ២ក្បាល ស្រង់ចេញពីទឹកសមុទ្រ។ នេះបើតាមការបញ្ជាក់របស់អ្នកនាំពាក្យនៃសេវាសង្គ្រោះ។ សេវាសង្គ្រោះនេះមានការចូលរួមពីយោធា ប៉ូលិស និងអ្នកមុជទឹក។
«ប្រតិបត្តិការសង្គ្រោះ កំពុងបន្តធ្វើឡើង... យើងសង្ឃឹមថា សត្វចៀមដែលក្នុងកប៉ាល់នេះ គឺនៅរស់ទាំងអស់»។
សមាគមអ្នកនាំចេញសត្វចិញ្ចឹមនៃប្រទេសរ៉ូម៉ានី បានជំរុញឱ្យមានការស៊ើបអង្កេតបន្ទាន់ជុំវិញហេតុការណ៍នេះ។ «យើងមានការភ្ញាក់ផ្អើលចំពោះមហន្តរាយនេះ។ ប្រសិនបើយើងមិនការពារសត្វចិញ្ចឹម ក្នុងការដឹកជញ្ជូននៃដំណើរដ៏វែងឆ្ងាយនោះទេ យើងគួរតែផ្អាកការនាំចេញ»៕