ម៉ូតូកម្លាំង ១៥០CC ឆ្នាំ ២០២០ ទាំងពីររបស់ Honda ប្រកាសផ្លូវការតំណាលគ្នា
- 2019-11-28 03:38:04
- ចំនួនមតិ 0 | ចំនួនចែករំលែក 0
ម៉ូតូកម្លាំង ១៥០CC ឆ្នាំ ២០២០ ទាំងពីររបស់ Honda ប្រកាសផ្លូវការតំណាលគ្នា
ចន្លោះមិនឃើញ
ក្រុមហ៊ុន NCX Honda បានសម្ពោធជាផ្លូវការនូវម៉ូតូហុងដា Click 150i កំពូលម៉ូតូអូតូបែបស្ព័រកាលពីថ្ងៃទី ២៥ ខែវិចិ្ឆកាឆ្នាំ២០១៩ ម្សិលមិញនេះ។
ម៉ូតូ Click 150i ជាកំពូលម៉ូតូអូតូបែបស្ព័រ ម៉ាស៉ីន ១៥០ សេសេដែលមាន តួម៉ូតូរចនាលាយពណ៌ទឹកក្រូចលាយ ស និងតែមថ្មីរចនាជាមួយស្ទិកគ័រក្រាហ្វិកបែប Super Sporty Design លាយជាមួយពណ៌ទឹកក្រូចព្រមទាំងក្បាច់ HEXAGON ពណ៌ប្រាក់ភ្លឺរលោង បង្កើនភាពស្ព័រដ៏មុតស្រួចបំផុត និងរចនាសម្រាប់តែទីផ្សារប្រទេសកម្ពុជាប៉ុណ្ណោះ។
ម៉ូតូដ៏ពេញនិយមនេះទាំង ២ ជម្រើសស៊េរីថ្មីនេះ មានពណ៌ដ៏ស្រស់សង្ហា ដែលជាពណ៌លក់ដាច់ខ្លាំងដូចជា ពណ៌ខ្មៅលាយទឹកក្រូច សលាយទឹកក្រូច(កម្លាំង ១៥០) ឯកម្លាំង ១២៥ ពណ៌ច្រើនដូចជា លឿងសុទ្ធ សលាយក្រហម ពណ៌ខៀវ ពណ៌ខ្មៅ និងពណ៌ក្រហម។
ចំពោះលក្ខណៈសម្បត្តិរបស់ Honda Click ស៊េរីថ្មីមានដូចជា បំពាក់អំពូលភ្លើង LED កន្ទុយភ្លើងក្រោយជាប្រភេទ LED រចនាចង្កៀងបែបថ្មី ប្រើប្រព័ន្ធហ្វ្រាំងថាស មានបន្ថែមស្តុបឲ្យសញ្ញាពីរ លៀនចេញក្រៅ កុងទ័រអេឡិចត្រូនិច សោឆ្លាតវៃ (Smart Key) ធុងផ្ទុកប្រេងឥន្ធនៈមានចំណុះ ៥,៥ លីត្រ ទម្ងន់សរុបមិនគិតពីប្រេងឥន្ធនៈគឺ ១០៩ គីឡូក្រាម និងឃ្លុបដាក់ឥវ៉ាន់ក្រោមកែបមានទំហំធំ។
លើសពីនេះ NCX Honda បានសម្ពោធព្រមគ្នាម៉ូតូប្រភេទកម្លាំង 150cc មួយទៀតគឺ Honda ADV150 ម៉ូតូអូតូបែប On និង Off-road បានដែលអាចនាំអ្នកទៅគ្រប់ទិសទី ការធ្វើដំណើរក្នុងទីក្រុង ឬទៅទីឆ្ងាយៗ ទទួលបាននូវបទពិសោធន៌ថ្មី ទាន់សម័យ ដោយបច្ចេកវិទ្យាឈានមុខគេផងដែរ។ ម៉ូតូនេះមានចែកចេញជាពីរប្រភេទគឺ Honda ADV 150 CBS និង ADV 150 ABS។ អំពូលភ្លើងមុខក្រោយប្រើប្រាស់បច្ចេកវិទ្យា LED, មានកុងទ័របែបឌីជីថលបង្ហាញព័ត៌មានសំខាន់ៗ, មានធុងប្រេងចំណុះ ៨ លីត្រ, មានបច្ចេកវិទ្យា Idling Stop និងប្រើប្រាស់ Smart Key ជាដើម៕
សម្រាប់តម្លៃនៅមិនទាន់បានបង្ហើបជាផ្លូវការនៅឡើយទេ(សូមរង់ចាំបន្តិច...)៕
ទស្សនារូបភាពខាងក្រោម៖
សម្រាប់ព័ត៌មានបន្ថែមបានតាមទូរសព្ទលេខ 010 922 922 ឬចូលទៅទស្សនានៅគេហទំព័រ NCXhonda.com.kh
ទស្សនាវីដេអូពី Honda Click150i៖
ទស្សនាវីដេអូពី Honda ADV150៖
អត្ថបទទាក់់ទង៖