វិបសាយក្ដៅសាច់ ប្រើវិធី៦យ៉ាងនេះ កើបចំណូលពីអ្នកមើលដោយមិនដឹងខ្លួន!

2019-12-06 02:33:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វិបសាយរឿងអាសអាភាសអាចរកចំណូលបានមិនតិចជាង ១០០ពាន់លានដុល្លារ នៅជុំវិញពិភពលោកនោះឡើយ។ តួលេខនេះមានចំនួនច្រើនជាងសហគ្រាសលំដាប់ពិភពលោកធំៗមួយចំនួនថែមផង។ នេះបើយោងតាមទិន្នន័យដែលបង្ហាញដោយសារព័ត៌មាន Business Insider។ បច្ចុប្បន្នមានវិបសាយរឿងអាសអាភាសប្រមាណជា ២៥លានវិបសាយ ហើយទាំងអស់សុទ្ធតែអាចចូលមើលដោយសេរីបាន។

បើចូលមើលបានហ្វ្រីយ៉ាងដូច្នេះ ចុះវិបសាយទាំងនោះរកចំណូលបានដោយរបៀបណា?

ចំណូលមួយភាគរបស់វិបសាយអាសអាភាសគឺបានមកពីចុះឈ្មោះបង់លុយប្រចាំខែរបស់អ្នកចូលមើល។ ហេតុអ្វីត្រូវជាវសេវាកម្មនេះ? ការចុះឈ្មោះបង់ថ្លៃសេវាប្រចាំខែនឹងអនុញ្ញាតឲ្យអតិថិជនអាចមើលវីដេអូថ្មីៗដំបូងគេបង្អស់ និងអាចជជែកលេងជាមួយតារាអាសអាភាសផ្ទាល់ជាដើម។ បន្ថែមពីនេះ ដូចការចុះឈ្មោះជាវព័ត៌មាន ឬសេវាកម្មទូរទស្សន៍ផ្សេងៗ វិបសាយអាសអាភាសបានធ្វើការបញ្ចុះតម្លៃពិសេសចំពោះអតិថិជនរបស់ខ្លួន ដោយការបង់ថ្លៃចុះឈ្មោះកាន់តែច្រើនខែ តម្លៃកាន់តែចុះថោក។ ជាទូទៅ តម្លៃសេវាកម្មប្រចាំថ្ងៃមានតម្លៃចន្លោះពី ១ដុល្លារ ដល់ ១៥ដុល្លារ។ សម្រាប់អ្នកប្រាកដជាគិតថាវាមានតម្លៃមិនថោកនោះទេ តែបើតាមភាពជាក់ស្ដែងមានមនុស្សរាប់សិបលាននាក់ហើយដែលបានជាវយកសេវាកម្មនេះពីវិបសាយអាសអាភាស។

មួយវិញទៀត គឺការបង្ហាញជាផ្ទាំងពាណិជ្ជកម្មនៅលើវិបសាយ ដែលជាប្រភពចំណូលធំមួយផ្សេងទៀត។ ផ្ទាំងពាណិជ្ជកម្មទាំងនោះមានដូចជាការលក់ផលិតផលផ្លូវភេទ ឬសេវាកម្មផ្លូវភេទជាដើម។

វីដេអូមួយចំនួនដែលបានបង្ហោះនៅលើវិបសាយអាសអាភាសមានលក្ខណៈមិនពេញលេញ ឬមានឈុតមួយចំនួនត្រូវបានបិទបាំង ព្រោះវាជាវិធីមួយផ្សេងទៀតសម្រាប់ម្ចាស់វិបសាយដើម្បីរកចំណូល។ ដើម្បីបានមើលវីដេអូពេញភ្នែក អ្នកនឹងត្រូវបង់ប្រាក់បន្ថែម។

មានវិធីរកចំណូលបន្ថែមទៀតទេ? មាន! នោះគឺជាបច្ចេកវិទ្យាថ្មីៗដែលទើបបង្កើត។ អ្នកដែលចង់សាកឲ្យដឹងពីបច្ចេកវិទ្យាដូចជា វីដេអូ 3D ឬលក្ខណៈជា VR នឹងត្រូវបង់សេវាកម្មពិសេសបន្ថែមពីលើ។

ចំណូលមួយផ្នែកទៀតគឺការបង្កើតកម្មវិធីនានានៅតាមបណ្ដាប្រទេសមួយចំនួន ដូចជា កម្មវិធីជំនួបអ្នកគាំទ្រជាដើម។ នៅក្នុងកម្មវិធី អ្នកគាំទ្រនឹងអាចជួបផ្ទាល់ជាមួយតារាក្នុងបណ្ដូលចិត្តរបស់ពួកគេ អាចថតសែលហ្វី ឬឈានទៅដល់ការប៉ះពាល់រូបរាងកាយក៏មាន។

ជាចុងក្រោយ វិធីរកចំណូលរបស់វិបសាយអាសអាភាសគឺជាការសហការជាមួយនឹងសណ្ឋាគារ។ នៅក្នុងប្រទេសមួយចំនួន ភ្ញៀវដែលចង់បានសេវាកម្ម 18+ អាចទាក់ទងទៅខាងសណ្ឋាគារបាន ដោយមិនចាំបាច់ចេញទៅរកខាងក្រៅនោះទេ។ ឯខាងសណ្ឋាគារនឹងស្វែងរកសេវាកម្មនេះពីវិបសាយក្ដៅសាច់ ដើម្បីជួលយកតួស្រីមកផ្ដល់សេវាកម្មដល់បន្ទប់សណ្ឋាគារ។ កម្រៃដែលវិបសាយអាសអាភាសទទួលបាន នឹងត្រូវបែងចែកទៅឲ្យខាងសណ្ឋាគារមួយចំនួន៕

ប្រភព៖ Businessinsider ប្រែសម្រួល៖ ឈាង.