ទីបំផុត! ប្រធានាធិបតីអាមេរិកដូណាល់ ត្រាំ ត្រូវរដ្ឋសភាបោះឆ្នោតដកតំណែង

2019-12-19 03:50:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកដូណាល់ ត្រាំបានក្លាយជាប្រធានាធិបតីទី ៣ហើយក្នុងប្រវត្តិសាស្ត្រដែលត្រូវបានរដ្ឋសភាអាមេរិកបោះឆ្នោតដកតំណែង ដែលកំពុងជំនុំជម្រះក្ដីនៅព្រឹទ្ធសភាដើម្បីសម្រេចថាតើលោកនឹងអាចនៅកាន់តំណែងបន្ដទៀតឬអត់។

រដ្ឋសភាបានធ្វើការបោះឆ្នោតទៅលើការចោទប្រកាន់លោកដូណាល់ ត្រាំចំនួនពីរ គឺការរំលោភបំពានអំណាចរបស់ខ្លួន និងការរារាំងដំណើរការរបស់សភាអាមេរិក។ ការបោះឆ្នោត ត្រូវបានធ្វើឡើងដោយមានភាពចម្រូងចម្រាសគ្នា ដោយសារតែសម្លេងឆ្នោតស្ទើរតែទាំងអស់ពីគណបក្សប្រជាធិបតេយ្យគាំទ្រឲ្យដក ខណៈដែលសម្លេងពីបក្សសាធារណរដ្ឋជំទាស់មិនឲ្យដកតំណែងលោកប្រធានាធិបតី។ ជាមួយគ្នាដែរ ការបោះឆ្នោតនេះ ត្រូវបានធ្វើឡើងស្របពេលដែលលោកដូណាល់ ត្រាំ កំពុងធ្វើយុទ្ធនាការរបស់ខ្លួននៅរដ្ឋ Michigan ។ ការបោះឆ្នោតសម្រាប់មាត្រា១ នៃការចោទប្រកាន់ការរំលោភបំពានអំណាចត្រូវបានអនុម័ត ២៣០-១៩៧សំឡេង និងមាត្រា ២ សម្រាប់ការរារាំងដំណើរការសភា ២២៩-១៩៨សំឡេង ។

ថ្លែងទៅកាន់អ្នកគាំទ្រ លោកដូណាល់ ត្រាំឲ្យដឹងថា "ខណៈពេលដែលយើងកំពុងបង្កើតការងារ និងតស៊ូដើម្បីរដ្ឋ Michigan, សភាកំពុងតែពោរពេញទៅដោយការស្អប់, ច្រណែន និងកំហឹង (មកលើរូបលោក) ហើយអ្នកនឹងឃើញអ្វីដែលកំពុងកើតឡើង។”