ក្រសួងបរិស្ថាន ចុះហត្ថលេខាលើអនុស្សារណៈគាំទ្រគម្រោងភ្នំពេញស្អាត
- 2019-12-19 08:04:06
- ចំនួនមតិ 0 | ចំនួនចែករំលែក 0
ក្រសួងបរិស្ថាន ចុះហត្ថលេខាលើអនុស្សារណៈគាំទ្រគម្រោងភ្នំពេញស្អាត
ចន្លោះមិនឃើញ
លោក ជួប ប៉ារីស៍ អគ្គនាយកចំណេះដឹង និងព័ត៌មានបរិស្ថាន ក្រសួងបរិស្ថាន និងលោកស្រី ជា សុផល្លា សហស្ថាបនិកគម្រោងភ្នំពេញស្អាត (PHNOM PENH SA-AT COMMITTEE) បានចុះហត្ថលេខាលើអនុស្សារណៈនៃការយោគយល់គ្នា ដើម្បីទីក្រុងស្អាត ដែលបានរៀបចំឡើង កាលពីថ្ងៃទី១៨ ខែខធ្នូ ឆ្នាំ២០១៩ នៅទីស្តីការក្រសួងបរិស្ថាន។
លោកបន្តថា ក្រោមទិសស្លោក “សំរាមមិនធ្លាក់ដល់ដី ភ្នំពេញកាន់តែប្រពៃ” យុទ្ធនាការភ្នំពេញស្អាតបានដើរតួនាទីយ៉ាងសំខាន់ ក្នុងការលុបបំបាត់នូវរូបភាពអវិជ្ជមានទាំងអស់នេះ តាមរយៈការអប់រំណែនាំដោយចំហក្ដី ដោយផ្ទាល់ក្ដី ដល់ប្រជាជនរស់នៅក្នុងរាជធានីភ្នំពេញ ឲ្យមានសីលធម៌ សុជីវធម៌បោះចោលសំរាមក្នុងធុងសំរាម មិនពង្រាយកាកសំណល់ផ្ដេសផ្ដាស នាំឲ្យសង្គមបាត់បង់សណ្ដាប់ធ្នាប់ និងមានសំរាមពាសវាលពាសកាល។
លោកបានបន្ថែមទៀតថា អ្វីដែលប្លែកជាងឆ្នាំមុនៗនោះ ក្នុងឱកាសនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ក្រុមយុវជនស្អាតរបស់យុទ្ធនាការភ្នំពេញស្អាត បានសាមគ្គីគ្នាដើរចងប៉េងប៉ោងតាមធុង សំរាមនីមួយៗ ដើម្បីជាកំណត់សម្គាល់មួយថា ទីណាមានប៉េងប៉ោង ទីនោះមានធុងសំរាម។ គំនិតនេះហើយ គឺជាកត្តាមួយចូលរួមក្នុងការកាត់បន្ថយសំរាមលើដី និងដាស់ស្មារតីបងប្អូនប្រជាពលរដ្ឋ ដែលមកទស្សនាពិធីបុណ្យអុំទូកនេះ ចេះកែប្រែទម្លាប់អាក្រក់ចោលសំរាមលើដងផ្លូវ ងាកមកមានការទុកដាក់សំរាមបានត្រឹមត្រូវ និងបានធ្វើឱ្យមានការគិតគូរយ៉ាងខ្លាំងពីកិត្យានុភាពជាតិ។
គួរបញ្ជាក់ថា អនុសាណៈយោគយល់គ្នា រវាងក្រសួងបរិស្ថាន និងគម្រោងភ្នំពេញស្អាត មានរយៈពេលអនុវត្តគម្រោង រយៈពេល ៣ឆ្នាំ ដោយក្រសួងបរិស្ថានបានចូលរួម និងគាំទ្រគម្រោងកម្មវិធី តាមរយៈមូលនិធិបរិស្ថាន និងសង្គម ក្នុង១ឆ្នាំ ថវិកាចំនួន ១ ០០០០ដុល្លារអាមេរិក (មួយម៉ីនដុល្លារអាមេរិក)។ គម្រោងភ្នំពេញស្អាត រួមមានកម្មវិធីជាច្រើន សម្រាប់ឲ្យស្ថាប័ននានា និងប្រជាពលរដ្ឋចូលរួម បង្ហាញ និងផ្សព្វផ្សាយបន្តនូវទងើ្វល្អៗដើម្បីផ្លាស់ប្តូរនូវគោលគំនិត ទម្លាប់ និងឥរិយាបថ ក្នុងការគ្រប់គ្រងសំរាម និងថែរក្សាបរិស្ថានស្អាត៕