តំណាងរាស្រ្តជប៉ុនមកពីបក្សកាន់អំណាច ត្រូវចាប់ខ្លួនពាក់ព័ន្ធនឹងសំណូកជាមួយក្រុមហ៊ុនចិន

2019-12-25 07:08:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Tsukasa Akimoto សមាជិកសភាជប៉ុនមកពីគណបក្សប្រជាធិបតេយ្យសេរី ដែលជាគណបក្សកាន់អំណាច ត្រូវបានចាប់ខ្លួននៅថ្ងៃទី២៥ ខែធ្នូ ឆ្នាំ២០១៩នេះ ពាក់ព័ន្ធនឹងអំពើស៊ីសំណូកជាមួយក្រុមហ៊ុនល្បែងចិន។

តំណាងរាស្រ្តវ័យ ៤៨ឆ្នាំរូបនេះ ត្រូវជាប់សង្ស័យថា បានទទួលយកលុយប្រមាណ ៣,៧លានយ៉េន (ជិត ៣,៤ម៉ឺនដុល្លារ) ពីក្រុមហ៊ុនចិន 500.com.Ltd។ យ៉ាងណាមិញ លោកតែងតែបដិសេធថា មិនបានទទួលយកលុយពីក្រុមហ៊ុននេះឡើយ។

តុលាការជប៉ុន ក៏បានចេញដីការបង្គាប់ឱ្យចាប់ខ្លួនមនុស្ស ៣នាក់ផ្សេងទៀត ដែលពាក់ព័ន្ធនឹងក្រុមហ៊ុនចិននេះផងដែរ ដែលជាអ្នកទទួលសំណូក ឱ្យទៅលោក Tsukasa Akimoto។

លោក Akimoto បានបង្ហោះនៅលើបណ្តាញទ្វីតធើកាលពីព្រឹកមិញដោយបញ្ជាក់ថា៖ «ខ្ញុំមិនដែលមានការជាប់ពាក់ព័ន្ធអ្វីទាល់តែសោះ។ ខ្ញុំនឹងនៅតែនិយាយបែបនេះដដែល។

ក្រោយការចាប់ខ្លួន លោកបានលាឈប់ពីគណបក្សកាន់អំណាចនេះហើយ៕

ប្រភព៖ Japantimes ប្រែសម្រួល៖ សំភី