លោក ត្រាំ ចេញសារធ្ងន់ទៅៗសំដៅវាយប្រហារអ៊ីរ៉ង់
- 2020-01-06 02:36:02
- ចំនួនមតិ 0 | ចំនួនចែករំលែក 0
លោក ត្រាំ ចេញសារធ្ងន់ទៅៗសំដៅវាយប្រហារអ៊ីរ៉ង់
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ កាលពីថ្ងៃទី៥ ខែមករា ឆ្នាំ២០២០ម្សិលមិញ បានចេញសារជាបន្តបន្ទាប់នៅលើបណ្តាញទ្វីតធើដែលមានអត្ថន័យសំដៅវាយប្រហារអ៊ីរ៉ង់ ក្រោយអាមេរិក បានសម្លាប់មេទ័ពកំពូលអ៊ីរ៉ង់។
សារទាំងនោះមានដូចជា៖
-គាត់ (មេទ័ពដែលត្រូវបានសម្លាប់) បានវាយប្រហារស្ថានទូតរបស់យើងរួចមកហើយ ហើយត្រៀមរៀបចំវាយប្រហារនៅទីតាំងផ្សេងទៀត។ ប្រសិនបើកអ៊ីរ៉ង់ វាយប្រហារជនជាតិអាមេរិកណាមួយ ឬទ្រព្យសម្បត្តិអាមេរិក យើងបានត្រៀមកម្ទេចទីតាំងអ៊ីរ៉ង់ ៥២កន្លែង (ដែលតំណាងឱ្យចំណាប់ខ្មាំងជនជាតិអាមេរិក ៥២នាក់ ត្រូវបានចាប់ខ្លួនដោយអ៊ីរ៉ង់ជាច្រើនឆ្នាំកន្លងទៅ)។
-ពួកគេវាយប្រហារយើង & យើងវាយបកវិញ។ ប្រសិនបើពួកគេវាយប្រហារម្តងទៀត ខ្ញុំនឹងផ្តល់ដំបូន្មានឱ្យពួកគេថាកុំធ្វើអ៊ីចឹង ពោលគឺយើងនឹងវាយប្រហារពួកគេកាន់តែខ្លាំងដែលពួកគេមិនដែលជួបពីមុនមកឡើយ។
-សហរដ្ឋអាមេរិក ទើបតែចំណាយ ២ទ្រីលានដុល្លារ ទៅលើឧបករណ៍យោធា។ យើងគឺជាប្រទេសធំបំផុត និងល្អបំផុតក្នុងពិភពលោក! ប្រសិនបើអ៊ីរ៉ង់វាយប្រហារមូលដ្ឋានអាមេរិកណាមួយ ឬជនជាតិអាមេរិកណាមួយ យើងនឹងបញ្ជូនសព្វាវុធស្អាតម៉ាកថ្មី ដោយគ្មានការស្ទាក់ស្ទើរ៕
ចុចអាន៖ សមាជិកសភាអ៊ីរ៉ង់ នាំគ្នាស្រែកថា «ស្លាប់ទៅអាមេរិក» (មានវីដេអូ)