ក្លឹបធំអេស្ប៉ាញ Real Madrid បានប្រកាសជាផ្លូវការថា ចុះកិច្ចសន្យាយកកីឡាករចំណូលថ្មីម្នាក់ដែលមានសញ្ជាតិប្រេស៊ីល​ឈ្មោះ Reinier Jesus ក្នុងតម្លៃ ២៦.៣ លានផោនប្រមាណជា ៣៣ លានដុល្លារអាមរិកក្នុងលក្ខខណ្ឌរយៈពេលវែងដល់ទៅ ៦ ឆ្នាំឯណោះ។

កីឡាករកើតឆ្នាំ ២០០២ វ័យ ១៨ ឆ្នាំរូបនេះលេចធ្លោខ្លាំងនៅក្លឹប Flamengo បានរួមចំណែកជួយឲ្យក្រុមលើកពាន Copa Libertadores រដូវកាលមុន និងលើកពានក្នុងស្រុកផងដែរ Brazilian league។ Jesus ចូលលេងបាន ១៤ ប្រកួត(ជាប់ ១១ នាក់ដំបូងបាន ៨ ដង) រកបាន ៦ គ្រាប់​និង Assist បាន ២ ដងគត់។

ទស្សនាវីដេអូខាងក្រោមបច្ចេកទេសលេងរបស់គេ៖

ខ្សែបម្រើប្រយុទ្ធរូបនេះ ក៏ជាប់ជម្រើស ១១ នាក់លេងពាន FIFA Club World Cup ផងដែរ ប៉ុន្តែបានចាញ់ Liverpool។ មកទល់ពេលនេះ Real Madrid មានកីឡាករវ័យក្មេងប្រេស៊ីល ៣ រូបហើយសុទ្ធតែល្អៗជុំជើងគ្នាដូចជា Vinicius និង Rodrygo ជាដើម៕