រឿងរ៉ាវ៥យ៉ាងនេះគួរដឹងសម្រាប់អ្នកដែលរួមភេទនៅពេលមករដូវ
- 2020-02-04 06:30:30
- ចំនួនមតិ 0 | ចំនួនចែករំលែក 0
រឿងរ៉ាវ៥យ៉ាងនេះគួរដឹងសម្រាប់អ្នកដែលរួមភេទនៅពេលមករដូវ
ចន្លោះមិនឃើញ
ស្ត្រីមួយចំនួនច្បាស់ជាមានចម្ងល់ចំពោះការរួមភេទនៅអំឡុងពេលមករដូវថាតើវាផ្ដល់ផលអាក្រក់ ឬល្អយ៉ាងដូចម្ដេចខ្លះចំពោះសុខភាព? បើតាមអ្នកជំនាញ បានឲ្យដឹងថា ការរួមចំណងមេត្រីជាមួយដៃគូនៅពេលមករដូវមិនមែនជារឿងអាក្រក់នោះទេ ដោយចំពោះស្ត្រីមួយចំនួន វាពិតជាផ្ដល់អារម្មណ៍ដ៏ល្អពិសេសលើសពីថ្ងៃធម្មតាទៅទៀត។ យ៉ាងណាមិញ ក៏មានប្រការគួរយល់ដឹងមួយចំនួនដែរពាក់ព័ន្ធនឹងបញ្ហានេះដូចខាងក្រោម៖
មេរោគ ឬវីរុសអាចមានជាប់នៅក្នុងឈាមរដូវ ដែលជាហេតុបណ្ដាលឲ្យឆ្លងជំងឺមួយចំនួន។ វេជ្ជបណ្ឌិតបានណែនាំឲ្យប្រើប្រាស់ស្រោមអនាម័យ ដើម្បីកាត់បន្ថយនៃហានិភ័យនេះ។
មិនខុសពីថ្ងៃធម្មតា ការរួមភេទនៅអំឡុងថ្ងៃមករដូវក៏អាចបង្កឲ្យមានផ្ទៃពោះបានផងដែរ ហើយជាពិសេសនោះអត្រានៃការមានផ្ទៃពោះគឺច្រើនសម្រាប់ស្ត្រីដែលមានវដ្ដរដូវខ្លី (ចន្លោះពី ២១ថ្ងៃ ដល់ ២៤ថ្ងៃ) និងការរួមភេទប្រព្រឹត្តទៅនៅថ្ងៃដែលជិតអស់រដូវ។ មេជីវិតឈ្មោលនឹងបន្តមានជីវិតនៅក្នុងប្រដាប់ភេទស្ត្រីបានយ៉ាងយូររហូតដល់ ៥ថ្ងៃឯណោះ។ បើមិនទាន់ចង់បានកូន ជម្រើសដែលល្អគឺអ្នកគួរបន្តប្រើមធ្យោបាយពន្យារកំណើត។
ការប្រើប្រាស់ទឹករំអិលគឺជាមធ្យោបាយបង្កើនអារម្មណ៍សម្រាប់ដៃគូមួយចំនួន។ ប៉ុន្តែប្រសិនអ្នករួមភេទនៅពេលមានរដូវ នោះគឺមិនចាំបាច់ប្រើទឹករំអិលបន្ថែមឡើយ។
ស្ត្រីមួយចំនួនអាចមានអារម្មណ៍មិនល្អ ឬពិបាកចិត្តច្រើននៅពេលមករដូវ។ បើការណែនាំពីវេជ្ជបណ្ឌិត ការរួមភេទពេលមករដូវអាចជួយបញ្ចេញនូវប្រភេទអ័រម៉ូន endorpin ដែលជួយកាត់បន្ថយបញ្ហាអារម្មណ៍ស្មុគស្មាញមិនល្អនានា។
កម្រិតនៃអ័រម៉ូននៅមានរដូវនឹងប្រែប្រួលខ្លាំងសម្រាប់ស្ត្រី ដែលជាហេតុធ្វើឲ្យចំណង់ផ្លូវភេទកាន់តែផ្ដល់អារម្មណ៍ពុះកញ្ជ្រោលជាងមុន។ រឿងផ្លូវអារម្មណ៍នេះមិនមែនកើតឡើងលើស្ត្រីទាំងអស់នោះឡើយ ព្រោះថាមានអ្នកចំនួនមិនចូលចិត្តការរួមភេទនៅពេលមានរដូវនោះទេ៕