ក្រោយរ៉ូបរោមសត្វជ្រុះពេញឆាក ម្តងនេះ Yang Zi ត្រូវគេរិះគន់រឿងគីឡូពាក់ឡើងប្រេះថ្នេរទៀត

2020-02-10 05:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពេលរូបភាពរបស់តារាសម្ដែងស្រីជួរមុខចិន Yang Zi ស្លៀករ៉ូបរោមចាបត្រូវជ្រុះរោមលើឆាកធ្វើឲ្យគេសើចរួចមក នៅពេលនេះគេបានឆ្លុះឃើញថារ៉ូបនាងត្រូវប្រេះថ្នេរទៀត ព្រោះអ្នកស្លៀកធាត់ពេក។

ទស្សនិកជនប្រាកដជានៅចាំថា កាលពីខែមករាកន្លងមក នៅពេលចូលរួមក្នុងកម្មវិធី Weibo Night ជាមួយកំពូលតារាដទៃ តារាសម្ដែងស្រីកំពុងមានប្រជាប្រិយភាពចិន Yang Zi បានស្លៀករ៉ូបរោមចាបវែងអូសដីយ៉ាងស្រស់ស្អាត។ យ៉ាងណាក្ដី ក្រោយមក គេបានរកឃើញថា រ៉ូបរបស់តួរឿង Go Go Squid គឺជារ៉ូបដែលមានគុណភាពអន់ជាងរ៉ូបដើម ដ្បិតមានរាងខុសគ្នា និងរោមចាបជ្រុះពេញឆាក ធ្វើឲ្យជាប់លើរ៉ូបរបស់តារាសម្ដែងស្រី Yang Mi។

ខណៈរឿងរ៉ូបនេះមិនទាន់ស្ងប់ស្ងាត់ប៉ុន្មានផង ទស្សនិកជបានសង្កេតឃើញចំណុចគួរឲ្យអស់សំណើចមួយទៀតនោះគឺស្រីស្អាតវ័យ២៧ឆ្នាំ នៅពេលចូលរួមក្នុងកម្មវិធីនេះបានឡើងគីឡូគួរឲ្យកត់សម្គាល់ដែលធ្វើឲ្យរ៉ូបរបស់នាងប្រេះថ្នេរ ឃើញសាច់មួយផ្នែក។

គួរបញ្ជាក់ផងដែរថា មុន Yang Zi តារាសម្ដែងស្រី Shen Meng Chen ក៏បានស្លៀករ៉ូបនេះដូចគ្នា ប៉ុន្តែដោយសារតែមានរាងស្ដើង ទើបមនុស្សជាច្រើនបានវាយតម្លៃថា Yang Zi ស្លៀកមិនស្អាតដូចរៀមច្បង៕

អានបន្ត៖ បារម្ភពីចៀវៃខ្លាំងពេក Wallace Huo ពាក់ម៉ាសទៅមើលប្រពន្ធថតរឿងដល់កន្លែង

ប្រភព៖ Kenh14 ប្រែសម្រួល៖ Caramel