ថៃ យល់ព្រមឱ្យនាវាទេសចរណ៍ធំៗ ២គ្រឿងចូលចតហើយ
- 2020-02-14 04:12:17
- ចំនួនមតិ 0 | ចំនួនចែករំលែក 0
ថៃ យល់ព្រមឱ្យនាវាទេសចរណ៍ធំៗ ២គ្រឿងចូលចតហើយ
ចន្លោះមិនឃើញ
នាវាទេសចរណ៍ Seabourn Ovation ២គ្រឿង ដែលដឹកអ្នកដំណើរ ៤ពាន់នាក់ ត្រូវបានរដ្ឋាភិបាលថៃបើកភ្លើងខៀវឱ្យចូលចតនៅភូកេត កាលពីថ្ងៃទី១៣ ខែកុម្ភៈ ឆ្នាំ២០២០។ ការយល់ព្រមនេះ បន្ទាប់ពីមន្ត្រីសុខាភិបាលថៃ មិនបានរកឃើញមានអ្នកផ្ទុក COVID-19 (អវិជ្ជមាន) លើនាវានោះទេ។
នាវានេះ បានធ្វើដំណើរមកពីកោះ Langkawi ប្រទេសម៉ាឡេស៊ី។ អ្នកដំណើរទាំងអស់ ដែលភាគច្រើនជាជនជាតិអឺរ៉ុប សុទ្ធតែត្រូវបានស្កេនរកវីរុសកូរ៉ូណាថ្មី មុនអនុញ្ញាតឱ្យចុះដើរ។
បន្ទាប់ពីចាកចេញពីភូកេត នាវា២គ្រឿងនេះ នឹងបន្តដំណើរទៅកាន់ប្រទេសសិង្ហបុរី។
បើតាមលោកស្រី Traisulee Traisoranakul អ្នកនាំពាក្យរងរដ្ឋាភិបាលថៃ បានឱ្យដឹងថា ប្រទេសថៃ មិនមានគោលការណ៍ហាមឃាត់នាវាណាមួយពីការចូលចតនោះទេ។ ប៉ុន្តែដោយសារតែឥឡូវនេះ ថៃមានវិធានការគ្រប់គ្រងជំងឺ (COVID-19) ហើយការរក្សាសុវត្ថិភាពជនជាតិថៃទាំងអស់ គឺជាអាទិភាព»៕