មូលហេតុពិត ៤ចំណុចដែលកម្ពុជា អនុញ្ញាតឱ្យនាវា Westerdam ចូលចត
- 2020-02-16 11:35:28
- ចំនួនមតិ 0 | ចំនួនចែករំលែក 0
មូលហេតុពិត ៤ចំណុចដែលកម្ពុជា អនុញ្ញាតឱ្យនាវា Westerdam ចូលចត
ចន្លោះមិនឃើញ
នាយកដ្ឋានប្រយុទ្ធនឹងជំងឺឆ្លង (CDC) បានឲ្យដឹងនៅថ្ងៃទី១៦ ខែកុម្ភៈ ឆ្នាំ២០២០នេះថា មូលហេតុដែលកម្ពុជា អនុញ្ញាតឱ្យនាវា Westerdam ចូលចត គឺមាន ៤ចំណុចដូចខាងក្រោម៖
១. ការវាយតម្លៃហានិភ័យគឺមានកម្រិតទាប៖ ភ្ញៀវទេសចរ ដែលបានធ្វើដំណើរពីឬឆ្លងកាត់ចិនដីគោក ហុងកុង ឬម៉ាកាវ ឬបានប៉ះពាល់ជាមួយករណីសង្ស័យ ឬករណីបញ្ជាក់ពីមន្ទីពិសោធន៍ថាមានវីរុសកូរ៉ូណា២០១៩ ដែលបច្ចុប្បន្នហៅថាជំងឺកូវីដ១៩(COVID19) ឬអ្នកដែលកំពុងស្ថិតក្រោមការតាមដានរកវីរុសនេះ ក្នុងអំឡុងពេល 14 ថ្ងៃមុន មុនពេលកប៉ាល់ចេញដំណើរ មិនត្រូវបានអនុញ្ញាតឲ្យឡើងជិះលើ កប៉ាល់នេះឡើយ។
២. ការសម្រេចចិត្តប្រកបដោយតុល្យភាព លើការអនុញ្ញាតឲ្យកប៉ាល់ចូលចតនៅក្នុងប្រទេសកម្ពុជា ដោយសារតែការផ្គត់ផ្គង់សម្ភារលើកប៉ាល់ជិតអស់ សេចក្តីត្រូវការរបស់អ្នកដំណើរទាំងអស់ និងការពិចារណាសម្រាប់មនុស្សធម៌។
៣. វិញ្ញាបនបត្រសុខភាពសមុទ្រ ដែលទទួលបានដោយអាជ្ញាធរកំពង់ផែ បានចង្អុលបង្ហាញថាមានមនុស្សចំនួន ២០ នាក់ ដែលមានរោគសញ្ញាផ្លូវដង្ហើមស្រាល ឬរោគសញ្ញានៃជំងឺក្រពះពោះវៀន។ ក្រសួងសុខាភិបាលបានសម្រេចចិត្តធ្វើតេស្តវត្ថុវិភាគភ្លាមៗសម្រាប់មនុស្សចំនួនទាំងអស់២០នាក់ ដែលមានរោគសញ្ញា។ លទ្ធផលតេស្តពីមន្ទីរពិសោធ សំរាប់មនុស្សទាំង២០នាក់នេះ គឺអវិជ្ជមាន។
៤. ទម្រង់បែបបទប្រកាសសុខភាព ដែលប្រមូលបានពីអ្នកដំណើរ និងនាវិកទាំងអស់ មិនបានរកឃើញថាមានអ្នកឈឺផ្សេងទៀតទេ។ មុនពេលឲ្យអ្នកដំណើរចាកចេញពីកប៉ាល់ មានការត្រួតពិនិត្យនិងយកសីតុណ្ហភាព និងមិនមានអ្នកដំណើរណាមួយមានគ្រុនក្តៅទេ៕