នាយកដ្ឋាននឹងបង្កើតក្រុមពិសេសមួយ តាមដានអ្នកលេងហ្វេសប៊ុកណាដែលបញ្ចេញកេរ្តិ៍ខ្មាស់
- 2020-02-18 08:35:33
- ចំនួនមតិ 0 | ចំនួនចែករំលែក 0
នាយកដ្ឋាននឹងបង្កើតក្រុមពិសេសមួយ តាមដានអ្នកលេងហ្វេសប៊ុកណាដែលបញ្ចេញកេរ្តិ៍ខ្មាស់
ចន្លោះមិនឃើញ
នាយកដ្ឋានប្រឆាំងបទល្មើសបច្ចេកវិទ្យា នឹងបង្កើតក្រុមពិសេសមួយ ដើម្បីធ្វើការស្រាវជ្រាវជាបន្ទាន់ លើម្ចាស់គណនីហ្វេសប៊ុក ឬគេហទំព័រទាំងឡាយណា ដែលបានបញ្ចេញវីដេអូអាសអាភាស ឬ បង្ហោះលក់ទំនិញតាមអនឡាញ ណាដែលនៅតែហ៊ានបញ្ចេញសាច់ និងកន្លែងកេរ្តិ៍ខ្មាសមួយចំនួនដើម្បីយកមកចាត់វិធានការតាមច្បាប់។ នេះបើតាមការបញ្ជាក់នៅលើផេកហ្វេសបុកផ្លូវការរបស់នាយកដ្ឋានប្រឆាំងបទល្មើសបច្ចេកវិទ្យា កាលពីថ្ងៃទី ១៧ កុម្ភៈ ម្សិលមិញ។
យោងតាមអនុសាសន៍របស់សម្តេច ដែលបានប្រគល់ភារកិច្ចនេះមកឱ្យក្រសួងមហាផ្ទៃ ក៏ដូចជាអគ្គស្នងការនគរបាលជាតិ បានបញ្ជាមកនាយកដ្ឋានប្រឆាំងបទល្មើសបច្ចេកវិទ្យាដើម្បីធ្វើការស្រាវជ្រាវលើបញ្ហានេះ ដើម្បីលើកកម្ពស់កិត្តិយស និងសីលធម៌របស់ស្ត្រីខ្មែរ។ គួររម្លឹកផងដែរថា នាយកដ្ឋានប្រឆាំងបទល្មើសបច្ចេកវិទ្យា ក៏ធ្លាប់បានហៅមកបំភ្លឺ និងធ្វើការណែនាំប្រជាពលរដ្ឋជាច្រើនមកហើយទាក់ទងនឹងបញ្ហានេះ៕