Yang Zi លេងមែនទែន ការពារ Covid-19 ពាក់អាវភ្លៀងផង ម៉ាស២-៣ជាន់ ពេលទៅថតរឿង

2020-03-11 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ត្រៀមខ្លួនដើម្បីត្រលប់មកធ្វើការវិញ តារាសម្ដែងស្រីជួរមុខចិន Yang Zi បានត្រៀមខ្លួនយ៉ាងដិតដល់ក្នុងការតទល់នឹងវីរុស Covid-19 ដែលធ្វើឲ្យទស្សនិកជនមើលសឹងតែមិនស្គាល់។

កាលពីថ្ងៃទី ១០ ខែមីនាមុននេះ បណ្ដាញសង្គមចិនបានផ្ទុះកម្រងរូបភាព របស់តារាសម្ដែងស្រីកំពុងឡើងកូដចិន Yang Zi នៅពេលនាងបង្ហាញខ្លួននៅព្រលានយន្តហោះ Ning Ba ប្រទេសចិន ដើម្បីចាប់ផ្ដើមថតរឿងឡើងវិញ ក្រោយសម្រាកអស់រយៈពេលជាយូរ ដោយសារវីរុស Covid-19។

ក្នុងការត្រលប់មកវិញនេះ តួរឿង Ash Of Love បានត្រៀមខ្លួនយ៉ាងដិតដល់ ដោយនៅពេលបង្ហាញនៅទីសាធារណៈនេះ ស្រីស្អាតវ័យ ២៧ឆ្នាំ បានពាក់អាវភ្លៀបពីក្បាលដល់ជើង សម្រាប់មុខវិញ នាងបានប្រើម៉ាស២ខុសគ្នា ដោយម៉ាសក្រណាត់ខាងក្នុង និងម៉ាសប្លាស្ទិកមួយជាន់ទៀតនៅពីក្រៅ។ ខាងលើនៅមានមួក រីឯដៃក៏មានស្រោមដៃមួយជាន់ទៀតផងដែរ។

ខណៈមនុស្សមួយចំនួនអស់សំណើចនឹងស្ទីលស្លៀកពាក់របស់ Yang Zi នោះ ក៏មានមនុស្សជាច្រើនសរសើរនាងមិនដាច់ពីមាត់ដែរ ថាចេះការពារខ្លួនឯងបានល្អ ដ្បិតទីប្រជុំជនដូចព្រលានយន្តហោះគឺជាកន្លែងដែលងាយឆ្លងវីរុសជាទីបំផុត៕