ការសិក្សាថ្មី៖ ក្រៅពីអាការៈដូចផ្ដាសាយ រោគសញ្ញាវីរុសកូរ៉ូណាដំបូងអាចមានសភាពបែបនេះ

2020-03-20 06:10:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជាធម្មតា រោគសញ្ញាដំបូងៗអ្នកដែលឆ្លងវីរុសកូរ៉ូណា មានលក្ខណៈស្រដៀងគ្នាទៅនឹងជំងឺផ្ដាសាយ ព្រោះថាវីរុសប្រភេទនេះបានវាយប្រហារប្រព័ន្ធផ្លូវដង្ហើម និងសួតមនុស្ស ដែលបណ្ដាលឲ្យពួកគេមានអាការៈដូចជា ពិបាកដកដង្ហើម គ្រុនក្ដៅ ឈឺបំពង់ក និងឈឺទ្រូងជាដើម។ យ៉ាងណាមិញ បើតាមការសិក្សាថ្មីមួយ រោគសញ្ញាដំបូងនៃជំងឺដ៏កាចសាហាវនេះអាចបណ្ដាលឲ្យអ្នកជំងឺរាករូស ច្រើនជាងរោគសញ្ញាដូចជាផ្ដាសាយគ្រុនក្ដៅ។

ក្នុងការសិក្សារបស់អាមេរិកផ្នែកក្រពះពោះវៀន បានស្រាវជ្រាវឃើញថា ក្នុងចំណោមអ្នកជំងឺកូរ៉ូណា ២០៤នាក់ ដែលពួកគេបានពិសោធ មានចំនួន ៤៨,៥% ដែលរោគសញ្ញាដំបូងគឺជាការរាករូស ក្អួត ឬចុកពោះ។ ក្រុមអ្នកជំនាញ បញ្ជាក់ត្រង់ចំណុចនេះថា វីរុសកូរ៉ូណាអាចបង្កជារោគសញ្ញាដំបូងពាក់ព័ន្ធនឹងបញ្ហាក្រពះពោះវៀន មុននឹងបង្ហាញរោគសញ្ញានៅផ្លូវដង្ហើម ហើយប្រភេទរោគសញ្ញាដូចនេះគឺមានសភាពជំងឺធ្ងន់ធ្ងរជាងអ្នកជំងឺដទៃទៀត។ លោកវេជ្ជបណ្ឌិត Brennan Spiegel ដែលស្ថិតនៅក្នុងការស្រាវជ្រាវនេះ បានសង្កត់ធ្ងន់ថា គួរតែមានការបញ្ចូលការរាករូស ជារោគសញ្ញាដំបូងនៃអ្នកឆ្លងរីរុសកូរ៉ូណា ព្រោះអ្នកដែលកើតហើយមានរោគសញ្ញានេះមានអត្រាមរណភាពខ្លាំងជាងគេបំផុត៕