យោងតាមសេចក្តីសម្រេចស្តីពីការបែងចែកភារកិច្ចរបស់ទេសរដ្ឋមន្ត្រីទទួលបន្ទុកបេសកកម្មពិសេសរបស់រាជរដ្ឋាភិបាលចេញថ្ងៃ៣០ ខែមីនា ឆ្នាំ២០២០ បានសម្រេច៖

១. អតីតរដ្ឋមន្ត្រីក្រសួងធម្មការ និងសាសនា លោក ហ៉ឹម ឆែម ឡើងជាទេសរដ្ឋមន្ត្រីទទួលបន្ទុកបេសកកម្មពិសេស ទទួលបន្ទុកកិច្ចការអភិវវឌ្ឍសហគមន៍ជនជាតិដើមភាគតិច និងការងារផ្សេងទៀតតាមការប្រគល់របស់នាយករដ្ឋមន្ត្រី។

២. អតីតរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍានា ឡើងជាទេសរដ្ឋមន្ត្រី ទទួលបន្ទុកបេសកកម្មពិសេស ទទួលបន្ទុកការអភិវវឌ្ឍ និងលើកកម្ពស់យន្តការដោះស្រាយវិវាទក្រៅប្រព័ន្ធតុលាការ ជាអនុប្រធានទី១ នៃក្រុមប្រឹក្សាអ្នកច្បាប់ និងការងារផ្សេងទៀតតាមការប្រគល់របស់នាយករដ្ឋមន្ត្រី។

៣. អតីតរដ្ឋមន្ត្រី ក្រសួង ប្រៃសនីយ៍ និងទូរគមនាគមន៍ លោក ត្រាំ អ៉ីវតឹក ឡើងជាទេសរដ្ឋមន្ត្រី **ទទួលបន្ទុកបេសកកម្មពិសេស ទទួលបន្ទុកការអភិវវឌ្ឍ និងលើកកម្ពស់រដ្ឋាភិបាលឌីជីថល និងការងារផ្សេងទៀតតាមការប្រគល់របស់នាយករដ្ឋមន្ត្រី។**

៤. អតីតរដ្ឋមន្ត្រី ក្រសួងមុខងារសាធារណៈ លោក ពេជ្រ ប៊ុនធិន ឡើងជាទេសរដ្ឋមន្ត្រី ទទួលបន្ទុកបេសកកម្មពិសេស ​ទទួលបន្ទុកកិច្ចការកសាងសមត្ថភាពមន្ត្រីនៅក្នុងរដ្ឋបាលសាធារណៈ ជាប្រធានគណៈកម្មការវាយតម្លៃអអ្គភាពផ្តល់សេវាសាធារណៈថ្នាក់ជាតិ​ និងការងារផ្សេងទៀតតាមការប្រគល់របស់នាយករដ្ឋមន្ត្រី។

​សូម​បញ្ជាក់​ថា រដ្ឋមន្ត្រីថ្មីដែលចូលកាន់កាប់ក្រសួងទាំង៤ ខាងលើមានសមាសភាពដូចខាងក្រោម៖

១. លោក ឈិត សុខុន ជារដ្ឋមន្ត្រីក្រសួងធម្មការ និងសាសនា

២. លោក កើត រិទ្ធ ជារដ្ឋមន្ត្រីក្រសួងយុត្តិធម៌

៣. លោក ជា វ៉ាន់ដេត ជារដ្ឋមន្ត្រី ក្រសួងប្រៃសនីយ៍ និងទូរគមនាគមន៍

៤. លោក ព្រុំ សុខា ជារដ្ឋមន្ត្រីក្រសួងមុខងារសាធារណៈ