ហេតុអ្វីគេងស្រាតល្អចំពោះសុខភាព?
- 2020-04-03 05:02:11
- ចំនួនមតិ 0 | ចំនួនចែករំលែក 0
ហេតុអ្វីគេងស្រាតល្អចំពោះសុខភាព?
ចន្លោះមិនឃើញ
លោកស្រីវេជ្ជបណ្ឌិត Sarah Brewer បាននិយាយថា ការគេងយប់ដោយគ្មានសំលៀកបំពាក់ជាប់ខ្លួន អាចមានផលល្អចំពោះសុខភាព។ ការលើកឡើងរបស់វេជ្ជបណ្ឌិតស្រីរូបនេះ មានភាពស្របគ្នានឹងសារព័ត៌មានជាច្រើនដែលធ្លាប់ចុះផ្សាយពីមុនមក។ ចុះហេតុអ្វី បានជាគេងស្រាតល្អចំពោះសុខភាព
តាមការសិក្សារបស់មូលនិធិ National Sleep Foundation នៃសហរដ្ឋអាមេរិក បានបង្ហាញថាមនុស្សពេញវ័យម្នាក់ ក្នុងចំណោម ៣នាក់បានគេងស្រាត។ ទោះយ៉ាងណា សកម្មភាពនេះមិននាំផលអាក្រក់អ្វីឡើយ ថែមទាំងជួយជំរុញសុខភាពឲ្យល្អប្រសើរទៀតផង។
ការគេងដោយគ្មានសំលៀកបំពាក់ជាប់ខ្លួន អាចជួយកាត់បន្ថយកម្ដៅ ធ្វើឲ្យគេងបានលឿន និងទទួលដំណេកយ៉ាងលក់ស្កប់ស្កល់។ នេះបើតាមលោកស្រីវេជ្ជបណ្ឌិត Sarah Brewer និយាយប្រាប់សារព័ត៌មាន Dailymail របស់ចក្រភពអង់គ្លេស។
លោកស្រីវេជ្ជបណ្ឌិត បានបន្តទៀតថា ចំពោះនារីដែលគេងពន្លែងខ្លួនពេលយប់ អាចប្រឈមជាមួយមេរោគផ្សិតតិចជាងធម្មតា។ គេងនៅក្នុងកន្លែងត្រជាក់ ស្ងួត និងស្អាត ដោយខ្លួនទទេ នឹងជួយកាត់បន្ថយកម្ដៅ ដែលអាចមានផលល្អចំពោះសុខភាព ពិសេសក្នុងរដូវក្ដៅ។
ចំណែកគូស្នេហ៍ដែលគេងស្រាតវិញ អាចជួយបង្កើនភាពស្និទ្ធស្នាល និងផ្អែមល្ហែមកាន់តែខ្លាំង។ លោកស្រីវេជ្ជបណ្ឌិត Brewer បាននិយាយថា "ដេកស្រាត ផ្ដល់ឲ្យយើងនូវសេរីភាព និងអាចជួយឲ្យមានអារម្មណ៍សិចស៊ី និងក្ដីស្រលាញ់កាន់តែខ្លាំង"។ ក្រៅពីនេះ នៅមានអត្ថប្រយោជន៍ជាច្រើនទៀត ដែលវេជ្ជបណ្ឌិតពហុជំនាញបានលើកឡើង៕