ប៉ាក់គីអៅ បង្ហើប​ពី​​គូ​បដិបក្ខ៤រូប​ដ៏​ពិបាក​ផ្ដួល​បំផុត តើ​មាន Floyd អត់?

  • 2020-04-09 00:12:22
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ពាក់ព័ន្ធ​នឹង​​អាជីព​ប្រយុទ្ធ​នៅ​លើ​សង្វៀន កីឡាករ​ប្រដាល់ ប៉ាក់គីអៅ បាន​ឲ្យ​ដឹង​ថា លោក​ធ្លាប់​មាន​គូ​ប្រកួត​ចំនួន ៤​រូប ដែល​ពិបាក​បំភ្លេច​បំផុត​នៅ​ក្នុង​ជីវិត។ យ៉ាង​ណា​មិញ ស្ថិត​នៅ​ក្នុង​បញ្ជី​នោះ ពុំ​មាន​ឈ្មោះ​កីឡាករ​ល្បី​​ដែល​មិន​ចេះ​ចាញ់ Floyd Mayweather ឡើយ បើ​ទោះ​ជា​លោក​ធ្លាប់​ Floyd បំបាក់​បាន​កាល​ពី​ឆ្នាំ​២០១៥​កន្លង​ទៅ។

ឈ្មោះ​កីឡាករ​ដែល ប៉ាក់គីអៅ លើក​ឡើង​មាន​ដូចជា Juan Manuel Marquez, Erik Morales, Antonio Margarito និង Miguel Cotto។​ ដូច​ដែល​​អ្នក​គាំទ្រ​បាន​ដឹង ប៉ាក់គីអៅ សុទ្ធ​តែ​ធ្លាប់​ផ្ដួល​កីឡាករ​ទាំង​៤​រូប​នេះ ហើយ​ក្នុង​នោះ​ផ្ដួល Marquez និង Morales បាន​​ដល់​ទៅ ២​ដង​ឯណោះ។ យ៉ាង​ណា​មិញ កីឡាករ​វ័យ​​៤១​ឆ្នាំ​រូប​នេះ​ក៏​ធ្លាប់​ចាញ់​ក្រោម​ដៃ Marquez និង Morales ដែរ។ ចុះ​កីឡាករ Margarito និង Cotto សុទ្ធ​តែ​មិន​ដែល​យក​ឈ្នះ ប៉ាក់គីអៅ ហេតុ​អ្វី​មាន​នៅ​ក្នុង​បញ្ជី​ឈ្មោះ​ដែរ?

ការ​ប្រកួត​​រវាង ប៉ាក់គីអៅ ជាមួយ Margarito

ប៉ាក់គីអៅ ពន្យល់​ថា ៤​នាក់​នេះ​គឺ​លោក​ពិបាក​វាយ​យក​ឈ្នះ​ជាង​គេ​បំផុត។ ឧទាហរណ៍​កាល​ពី​ឆ្នាំ​២០១០ ការ​ប្រកួត​ជាមួយ Margarito គឺ​ជា​ការ​វាយ​ដ៏​​ទក់​សាច់​ជាង​គេ​​​ដែល​​កីឡាករ​ហ្វីលីពីន​រូប​នេះ​ធ្លាប់​បាន​ជួប។ ប៉ាក់គីអៅ និយាយ​ថា៖ "គាត់​មាឌ​ធំណាស់ ហើយ​ខ្លាំង​ណាស់​សម្រាប់​ខ្ញុំ។ ខ្ញុំ​​នឹក​ស្មាន​មិន​ដល់​ទេ​​ថា វា​ខ្លាំង​ប៉ុណ្ណា​រហូត​ទាល់​តែ​ត្រូវ​គាត់​ដាល់​ចំ"៕

ប្រភព៖ Boxing247 ប្រែ​សម្រួល៖ ឈាង.

អត្ថបទថ្មី
;