ឡានកូរ៉េមួយ យកឈ្នះឡានជប៉ុន ក្លាយជាឡានពិភពលោកប្រចាំឆ្នាំ

2020-04-09 04:39:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លទ្ធផលនៃអ្នកឈ្នះពាន រថយន្តពិភពលោកប្រចាំឆ្នាំ ២០២០ ត្រូវបានប្រកាសចេញហើយ ដែលអ្នកឈ្នះនោះគឺរថយន្ត Kia Telluride។ រថយន្តកូរ៉េខាងត្បូងនេះបានយកឈ្នះរថយន្ត Mazda3 និង Mazda CX-30 ដើម្បីឈរលើតំណែងកំពូល។

គណៈកម្មការដែលជាអ្នកកាសែតផ្នែកយានយន្ត ៨៦ រូប បានលើកសរសើររថយន្ត Telluride លើការរួមបញ្ចូលនៃស្ទីល ផាសុកភាព និងរូបរាងប្លែកពីគេ។ វាក៏អាចទទួលបានពិន្ទុខ្ពស់ដោយសារមានតម្លៃសមរម្យ និងផ្ដល់សុវត្ថិភាពបានល្អផងដែរ។

ចំពោះពានរង្វាន់ផ្នែកផ្សេងៗទៀតដូចជា រថយន្តប្រណីតរបស់ពិភពលោក និង រថយន្តមហាកម្លាំងរបស់ពិភពលោក គឺបានទៅលើរថយន្ត Porsche Taycan។ រថយន្ត Kia Soul បានពានរង្វាន់ជា រថយន្តទីក្រុងរបស់ពិភពលោក ហើយចុងក្រោយគឺរថយន្ត Mazda3 បានពានរង្វាន់ រថយន្តឌីហ្សាញល្អដាច់គេរបស់ពិភពលោកប្រចាំឆ្នាំ៕

ប្រភព៖ carscoops ប្រែសម្រួល៖ សុខហេង