គ្រូជម្រើសជាតិប៉េតង់៖ ថៃ មានក្ដីកង្វល់ ពេលប៉ះកម្ពុជា

2017-08-02 04:13:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក អ៊ឹម ផាត គ្រូបង្វឹកកីឡាករជម្រើសជាតិប៉េតង់ផ្នែកបុរសបានលើកឡើងថា កម្ពុជាគឺជាក្រុមខ្លាំងមួយនៅក្នុងវិញ្ញាសាប៉េតង់ ដែលប្រទេសនានាជាគូប្រជែង មានក្ដីបារម្ភ ព្រមទាំងប្រទេសថៃផងដែរ។ យ៉ាងណាមិញ លោកបានចាត់ទុកថៃ ជាប្រទេសដែលកម្ពុជា មានក្ដីបារម្ភជាងគេ។ នេះជាការឲ្យដឹងពី គណៈកម្មាធិការជាតិអូឡាំពិកកម្ពុជា។

«ក្នុងចំណោមប្រទេសទាំង១១ គឺមានតែថៃនោះទេ ដែលមានសមត្ថភាពខ្ពស់ និងជាក្ដីកង្វល់សម្រាប់យើងក្នុងការស្វែងរកមេដាយពីការប្រកួតនេះ។ ក្រៅពីនេះ យើងមិនមានក្ដីកង្វល់ចាញ់នោះឡើយ តែកីឡាករនៅប្រទេសទាំងនេះក៏មានសមត្ថភាពរីកចម្រើនដែរ។ ខ្ញុំគិតថា មិនមែនតែកម្ពុជានោះទេដែលមានក្ដីកង្វល់ ប្រទេសទាំងអស់ព្រមទាំងថៃ ពេលប៉ះកម្ពុជាក៏មានក្ដីកង្វល់ដូចគ្នា»។ នេះជាការលើកឡើងរបស់លោក អ៊ឹម ផាត។

កីឡាករប៉េតង់ សុខ ចាន់មាន

សូមបញ្ជាក់ថា សម្រាប់កីឡាស៊ីហ្គេមលើកទី២៩នេះ ម្ចាស់ផ្ទះម៉ាឡេស៊ី បានកំណត់ឲ្យអត្តពលិកម្នាក់ អាចលេងបានតែមួយវិញ្ញាសាប៉ុណ្ណោះ។ ជាងនេះទៅទៀត វិញ្ញាសាវាយយកពិន្ទុដែលជាសក្ដានុពលរបស់កម្ពុជា ក៏មិនត្រូវបានដាក់ជាវិញ្ញាសាផងដែរ។ សហព័ន្ធកីឡាប៊ូល និងប៉េតង់កម្ពុជា នឹងបញ្ជូនអត្តពលិកចំនួន ១៦នាក់ (ស្រី ៨នាក់) គ្រូ ៤នាក់ និងថ្នាក់ដឹកនាំ ១នាក់ ដើម្បីចូលរួមកីឡាស៊ីហ្គេម ដែលចាប់ផ្ដើមពីថ្ងៃទី១៩ ដល់ ៣១ ខែសីហា ខាងមុខនេះ៕

អត្ថបទ៖ លាភ.