បទ "គ្រូបង្រៀនស្រវឹងស្រា" ត្រូវហាមមិនឲ្យចាក់ផ្សាយតាមវិទ្យុ និងទូរទស្សន៍ទាំងអស់
- 2017-12-20 06:49:14
- ចំនួនមតិ 0 | ចំនួនចែករំលែក 0
បទ "គ្រូបង្រៀនស្រវឹងស្រា" ត្រូវហាមមិនឲ្យចាក់ផ្សាយតាមវិទ្យុ និងទូរទស្សន៍ទាំងអស់
ចន្លោះមិនឃើញ
បទចម្រៀងដែលមានចំណងជើងថា "គ្រូបង្រៀនស្រវឹងស្រា" របស់ផលិតកម្មថោន ត្រូវបានក្រសួងព័ត៌មានហាមមិនឲ្យចាក់ផ្សាយតាមវិទ្យុ និងទូរទស្សន៍នោះទេ។ នេះបើយោងតាមលិខិតរបស់រដ្ឋមន្រ្ដីក្រសួងព័ត៌មាន ផ្ញើជូនម្ចាស់ស្ថានីយ៍វិទ្យុ និងទូរទស្សន៍ទាំងអស់ កាលពីថ្ងៃទី១៩ ខែធ្នូម្សិលមិញ។
លិខិតនោះបញ្ជាក់ថា ខ្លឹមសារនៃបទចម្រៀង "គ្រូបង្រៀនស្រវឹងស្រា" បានប្រាសចាកអំពីអាកប្បកិរិយា និងសីលធម៌ថ្លៃថ្នូររប់សគ្រូបង្រៀនទូទៅ ធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្ដីថ្លៃថ្នូររបស់គ្រូបង្រៀន ដែលធ្វើឲ្យមានប្រតិកម្មពីសំណាក់មហាជនទូទៅ និងជះឥទ្ធិពលមិនល្អដល់សង្គមទាំងមូល។
បទចម្រៀងដែលច្រៀងដោយតារាចម្រៀងខ្មែរសុរិន ចេន សាយចៃ នេះ រៀបរាប់ពីគ្រូបង្រៀនដែលផឹកស្រាស្ទើររាល់ថ្ងៃ និងទៅបង្រៀនទាំងស្រវឹងស្រា។ បទនេះនិពន្ធទំនុកច្រៀងដោយលោក យឹម តាស្រង់៕